book

வாழ்க்கைத் திறன்(Life skills) என்பது அன்றாட வாழ்க்கையின் தேவைகளையும், சவால்களையும் மனிதர்கள் திறம்பட சமாளிக்க உதவும் தகவமைப்பையும் நேர்மறையான நடத்தைகளையும் குறிப்பதாகும்.[1] வேறு வார்த்தைகளில் சொல்வதென்றால் வாழ்க்கைத்திறன் என்பதை உளவியல் திறன் என்றும் கூறலாம்[2].தினசரி மனித வாழ்க்கையில் பொதுவாக அவர்கள் சந்திக்கும் பிரச்சினைகள் மற்றும் கேள்விகளைக் கையாளப் பயன்படும் கல்வி அல்லது நேரடியான அனுபவத்தின் மூலம் பெறப்பட்ட மனிதத் திறன்களின் தொகுப்பாக இத்திறன்கள் கருதப்படுகின்றன. சமுதாய நெறிகள் மற்றும் சமூக எதிர்பார்ப்புகளை அடிப்படையாகக் கொண்டு இந்த நடத்தைகள் மற்றும் திறன்கள் மாறுபடுகின்றன. சமுகத்தின் நல்வாழ்வுக்காகவும் தனிநபர்களின் தனித்தன்மைகளை வளர்த்துக் கொள்ளவும் உதவுகின்ற தனித்திறமைகள் யாவும் வாழ்க்கைத்திறன்கள் என்றே கருதப்படுகின்றன.