book

மறைத் திரு. எஸ். ஜெரோம் டி. செளசா 23 சிலிர்க்கின்றது. உள்ளம் புளகாங்கிதம் கொள்ளுகின்றது. இத்தகைய ஒர் ஆசிரியரை இந்த உலகில் காண்டல் அரிது. நினைவு-2 : பி.எஸ்சிமுதல் ஆண்டு பயிலும்போது ஆண்டார் தெருக்கோடியில் தேசியக்கல்லூரியை ஒட்டி யிருந்த ஒருவர் மாடியில் இருந்த ஐந்து அறையில் 10 பேர் தங்கிப் படித்ததாக நினைவு. அந்த வீட்டுக்காரர் ஒய்வு பெற்ற ஒரு பேராசிரியர். கடுந்துாய்மையாளர் (Puritan) பிராமண வகுப்பினர். மாடியில் தங்கியிருந்த நாங்கள் பத்து பேர்களும் கலாட்டா செய்யும் பேர்வழிகள்’ அல்லோம், சில சமயம் மாலை வேலைகளில் ஏதோ பிரச்சினையை அலசிச் சிரித்து மகிழ்வோம். வீட்டுக்குரி யோர் அடிக்கடித் தின்னைப்பள்ளி ஆசிரியர்போல் இதோபதேசம் செய்வார்; கடிந்து கொள்வார். இளம் வயதில் கல்லூரி மாணவர்கள் இப்படித்தான் இருப்பார் என்ற உளவியல் உண்மையை அறியாதவர். அவர் இதோப தேசத்தை நாங்கள் காதில் வாங்குவதே இல்லை