book

அவர்கள் அனைவரும் டெல்லியைச் சேந்த ஓர் உயர்நிலைப்பள்ளியில் படிக்கும் 15 வயதுக்கு உட்பட்ட டீன் ஏஜ் மாணவர்கள் என்பது மேலும் அதிர்ச்சியளிக்கக் கூடிய தகவல்! இவர்கள் சில பெண்களின் புகைப்படங்களை மார்ஃபிங் செய்து அந்த இன்ஸ்டாகிராம் பக்கத்தில் பகிர்ந்ததாகவும் கூறப்படுகிறது. குறிப்பாக தங்களது வகுப்பு மாணவிகள் பற்றியும் பாலியல் ரீதியான உரையாடல்களை நடத்தியுள்ளனர்.

'பாய்ஸ் லாக்கர் ரூம்' இன்ஸ்டாகிராம் பக்கத்தில் மாணவர்கள் நடத்திய உரையாடல்களின் ஸ்கிரீன் ஷாட்டுகள் எப்படியோ கசிந்து சமூக வலைதளங்களில் பரவத் தொடங்கின. இந்த ஸ்கிரீன் ஷாட்டுகளில் ஆங்கிலத்திலும் ஹிந்தியிலும் காணப்படும் மாணவர்களின் உரையாடல்கள் பார்ப்பவர்களை முகம் சுழிக்க வைக்கும் அளவுக்குக் கொச்சையாக உள்ளன.