book

இந்தியாவின் முதல் குடிமகனாக இருந்த மேதகு அப்துல் கலாம், மத நல்லிணக்கத்தைக் கடைபிடிப்பதிலும் முதல் குடிமகனாக இருந்தார். இஸ்லாமிய மதத்தின் மீது தீவிரப் பிடிப்புள்ளவராக இருந்தார். அதேநேரம், பிற மதங்களில் உள்ள தத்துவங்களையும் கொள்கைகளையும் போற்ற அவர் தயங்கியதே இல்லை. உலக அளவில் நடக்கும் கருத்தரங்குகளில்கூட அதை வெளிப்படுத்தியிருக்கிறார். ஆன்மிகம் என்பது மதங்களைக் கடந்தது. அது மனிதம் சார்ந்தது என்று வாழ்ந்த கலாம் மத வேறுபாடுகளை மறந்தே தனது நட்பு வட்டாரத்தையும் கொண்டிருந்தார். எல்லா மதமும் அன்பு ஒன்றையே வலியுறுத்துகிறது என்று தெளிவாக உணர்ந்திருந்த கலாம், அதை மக்களிடமும் கொண்டு சென்றார். சிவன், நடராஜ தத்துவம், பஞ்ச பூதக் கோட்பாடுகள் போன்ற தத்துவங்கள் அறிவியலின் உள்ளடக்கத்தைக் கொண்டிருப்பவை என்று வாய்ப்புக் கிடைத்த இடங்களில் எல்லாம் சொல்லி பெருமைப்பட்டுக்கொண்டார்.