book

 இருபது மொழிகளில் நானூறுக்கும் மேலான காமிஸ் வெளியீடுகளோடு இந்தியாவெங்கும் 9 கோடி காமிக்ஸ் பிரதிகள் விற்பனை என அமர்சித்ரகதா நிறுவனம் சக்கைப்போடு போட்டு வருகிறது அரிய சாதனைதானே! புத்தகத்தோடு சுணங்காமல் இன்றைய ஜென் இசட் தலைமுறைக்கேற்ப யூட்யூப் சேனல்கள், டிவி, மொபைல் கேம்கள், தனக்கென ஸ்பெஷல் ஆப்களையும் கொண்டு நவீனத்திற்கேற்ப டிஜிட்டலாக மாறி குழந்தைகளின் ஆகாயத்தை கலர்ஃபுல்லாக்கி வருகிறது அமர்சித்ர கதைகள்.
இன்றைய அமர்சித்ர காமிக்ஸ் கதைகளின் வளர்ச்சி ஒரே நாளிலோ, ஓரிரவிலோ வந்துவிடவில்லை. 1967 ஆம் ஆண்டு தொடங்கப்பட்ட காமிக்ஸ்கள் பொது அறிவுத்தகவல்களின் திரட்டாய் குழந்தைகளை ஈர்க்க ஒரே காரணம், ஆனந்த் பாய் என்ற நிறுவனத்தின் தலைவரைத்தான்.