book

பறவைகள் கூடு கட்டுவதே முட்டையிடுவதற்குத்தான்! மரக் கிளைகள், கூரை முகடுகள், மரப்பொந்துகள் போன்ற எத்தனையோ இடங்களில் அவை கூடுகள் கட்டுகின்றன. ஆனால் பறக்கவோ நீந்தவோ முடியாத ஒரு பறவை நெருப்புக் கோழி! அது எங்கே முட்டையிடும்?

ஆப்பிரிக்காவின் கிழக்கு, தெற்குப் பகுதிகளில் வாழும் இந்தப் பறவை, முட்டையிட ஒரு கூடு வேண்டுமே என்று கவலைப் படுவதில்லை! நிலத்தில் சற்றுக் குழியாக இருக்கும் இடமாகப் பார்த்து, அதை மேலும் கால்களால் தோண்டுகிறது! அந்தப் பள்ளம் குறுக்கே மூன்றடி இருக்கலாம்! குழியைத் தோண்டிய பிரதான பெண் நெருப்புக்கோழி அதில் ஆறிலிருந்து எட்டு முட்டைகள் வரை இடும்! ஆச்சரியம் என்ன வென்றால் வேறு சில பெண் நெருப்புக் கோழிகளும் அதே குழியில் முட்டையிடுகின்றன.  எனவே குழியில் சுமார் 50 லிருந்து 60 முட்டைகள் வரை காணப்படுகின்றன!