book

ஒரு குழந்தையின் குதூகலமும் ஆர்வம் கொப்பளிக்கும் பார்வையும் அதே சமயம் ஒரு முதிர்ந்த சமூக விஞ்ஞானி
முன்வைக்கும் மெலிதான அலசல் பார்வையும் இணைந்து வெளிப்படுவதால், உலகமே ஒரு புதிய வண்ணம் பெற்றுவிட்ட உணர்வு முருகனின் இந்தக் கட்டுரைகளில் வெளிப்படுகின்றன. உரைநடை வெண்பாவாகவும், வாரபலனாகவும் திண்ணை இணைய ஏட்டில் பிரசுரம் பெற்ற கட்டுரைகளின் முதல் வாசகனாக திண்ணை  குழுவில் ஒருவனான நான் பெற்ற மகிழ்ச்சியை, திண்ணை வாசகர்களும் பெற்றார்கள் என்பதற்கு  சாட்சி, மிக அதிகமாய் வாசிக்கப்பட்ட  பக்கங்களில் இவை இடம்பெற்றதுதான். எழுத்தின் மகிழ்ச்சியைத் தமிழுக்கு மீட்டுத்தரும் எழுத்துகளில் மிக முக்கியமானது இரா. முருகனின் எழுத்து . அவருடைய இந்தக்கட்டுரைகள் வெறும் சுவாரஸ்யம் மட்டுமல்ல, மெல்லிய நகைச்சுவை, சமூகப் பார்வையில் சமரசம் செய்து  கொள்ளாத கோபம் என்று புதிய எழுத்து முறையில் விரியும் உரைப்பதிவுகள்.

                                                                                                                                                         -கோ. ராஜாராம்.