வெப் சீரிஸ் குறித்துத் தமிழில் வெளிவரும் முதல் விமர்சன நூல் இது. உலக
அளவில் இளைஞர்களை ஈர்த்த பதினொரு வெப் சீரியல்கள் குறித்து இந்நூல்
கலந்துரையாடுகிறது. வெப்சீரியல்கள் இளைஞர்களுக்கு எந்த அறத்தையும்
போதிப்பதில்லை; அறமே போலியானது என்கின்றன; பலமுள்ளவன் எளியவர்களைக்
கட்டுப்படுத்தக் கண்டுபிடிக்கப்பட்டதுதான் Rules and Regulations
என்கின்றன. இந்த வெப் சீரியல்கள் Polygamy relationship-களை
நியாயப்படுத்துகின்றன; கள்ளத்தொடர்புகளுக்குச் சமாதானம் சொல்கின்றன;
துரோகங்கள் இயற்கையானது என்கின்றன; LGBTQ உறவுகளைப் புரிந்துகொள்ளச்
சொல்கின்றன. இவை இளைஞர்களின் ஆண்-பெண் உறவுகளில் கடுமையான பாதிப்புகளை
ஏற்படுத்தும். இந்திய வெப்சீரியல்கள் கூடுதலாகச் சிலவற்றைச் செய்கின்றன.
ரொமாண்டிசைஸ் செய்யப்பட்ட கதைகளுக்கிடையே சமூக நீதிக்கு எதிரான குரலைப்
பதிவு செய்கின்றன; வலதுசாரி அரசியலை நியாயப்படுத்துகின்றன;
இஸ்லாமியர்களுக்கு எதிராகக் கதையாடுகின்றன என்கிறார் திரைக்கதையாசிரியர்
சங்கர்தாஸ்.
