முத்தமிழ்க் கொத்து

தமிழ்மொழியின் முப்பாட்டனுக்கும் பூட்டனுக்கும் முந்தைய, பற்பல தலைமுறைகளைத் தாண்டிய தொண்டுகிழவர் 'தொல்காப்பியர்' முதல், நாற்பது ஆண்டுகட்கு முன்புவரையில் நம்மிடை வாழ்ந்து மறைந்த புரட்சிக்கவிஞர் பாரதிதாசன் ஈறாக, அனைத்துப் புலவர் பெருமக்களையும் ஆங்காங்கே தொட்டு மகிழ்ந்திருக்கின்றேன்.

இந்த முத்தமிழ்க் கொத்து - ஆசிரியர்,மாணவர், இலக்கிய ஆர்வலர், எழுத்தாளர், கவிஞர் மற்றும் கலைஞர்கட்கும் பெரிதும் பயன்படும் எனக் கருதுகின்றேன். இந்த அரிய நூல், என் வாழ்க்கையில் நான் பெற்ற விலை மதிப்பற்ற ஒரு 'சொத்துப் பத்திரம்!'.