book

இந்த கதை 2000 ஆம் ஆண்டு ஆனந்த விகடன் என்ற இதழில் தொடர்கதையாக வெளிவந்தது.  நீங்க ஷ்யாம்தானே...?

அடர்த்தியான நீலநிற சான்ட்ரோ ஹூண்டாய்  காருக்கு சாய்ந்து நின்றிருந்த அந்த இளைஞன் குரல் கேட்டுத் திரும்பினான். மெலிதாகக் கனைத்துக் கொண்டிருந்த கைனடிக் ஹோண்டா ஸ்கூட்டரில் அந்த இளம்பெண் தெரிந்தாள். பில்லியனில் செர்ரிப்பழ நிற  யூனிஃபார்மில் ஐந்து வயதுப் பையன். முதுகில் புத்தகச் சுமை, வாய் நிறைய சாக்லெட்.  இளைஞன் குளிர்கண்ணாடியைக் கழற்றிக் கையில் வைத்துக்கொண்டு அந்தப் பெண்ணை ஒரு குழப்பப் பார்வை பார்க்க, அவள் மறுபடியும் கேட்டாள்.