book

நம் தமிழ் மண்ணில் விண்ணுயர்ந்த திருக்கோயில்களுக்குப் பஞ்சமில்லை. அழகுக்காகவும் ஆராதனைகளுக்காகவும் மட்டுமே இந்தத் திருக்கோயில்கள் எழுப்பப்படவில்லை. திருக்கோயில்களின் தொகுதிக்கு ஏதோ ஓர் ஆழமான காரணம் இருந்தாக வேண்டும். ஒவ்வோர் திருத்தலமும் ஒவ்வோர் தத்துவத்தை பெரும்பயனை முத்திப் பேற்றினை வாரிவழங்கக் கூடிய ஞானாலயங்களாக விளங்கி வருகின்றன. உள்ளாய்ந்த மனத்தோடு ஆத்ம சுத்தியோடு இறைவனைப் பூஜித்து வந்த அடியார்களது வாழ்வியல் நிகழ்வுகள் எல்லாம் இந்த மண்ணின் சமயத்தின் சிறப்புக்கு எடுத்துக்காட்டாய் விளங்குகின்றன.