பூஷ்கின் 1830ம் வருடத்திலிருந்தே யெமெல்யான் புகச்சோவ் (1744-1775)
தலைமையில் நடைபெற்ற விவசாயிகளின் கலகத்தைப் பற்றி அதிகமான அக்கறை
கொண்டிருந்தார். இந்தக் கலகத்தைச் சேர்ந்து புகச்சோவுடன் நெருங்கிய நட்புக்
கொண்டிருந்த ஒரு கனவானின் வாழ்க்கையைப் பற்றி நாவல் எழுதுவதென்று முடிவு
செய்தார். 1833 ஜனவரி மாதத்தில் இந்த நாவலின் ஆரம்ப உருவரையைப் பூஷ்கின்
தயாரித்தார். அதில் ஒரு படைப்பிரிவைச் சேர்ந்த இராணுவ அதிகாரி மிஹயீல்
அலேக்சாந்தரவிச் ஷ்வானிவிச் என்ற உண்மையான நபர் கதாநாயகராக இருந்தார்.
கலகம் பரவிய எல்லா இடங்களுக்கும் பூஷ்கின் சென்று அதை நேரில் கண்டவர்களைச்
சந்தித்துப் பேசினார். "காப்டன் மகள்" என்ற சரித்திர நாவலின் ஆரம்ப உருவரை
பிறகு கணிசமான மாற்றமடைந்தது. நாவலில் விவசாயிகள் கலகம் மென்மேலும் அதிக
முக்கியத்துவம் பெற்றது. கதாநாயகனுக்கும் காப்டன் மகளுக்கும் இடையே வளரும்
காதல், கதையின் கரு. அழுத்தமாக உருப்பெற்றது.
