book

''பாரதிதாசன் என்பது இனி ஒரு தனி மனிதனின் பெயரல்ல; தமிழ் இன்பம் பொழிகின்ற  கவிதைத் தொகுப்பின் பெயர்'' என்பார் கலைஞர் மு. கருணாநிதி அவர்கள் (தமிழரசு 1-5-90).இது உண்மைதான். என்னைக் கேட்டால், 'தமிழுக்கு அமுதென்று பேர்' என்று பாடுவதே பொருத்தமாக இருக்கும். இவர் தமிழை வணங்கினார்; பல்வேறு துறைகளில் தமிழ் வாழ்வுக்கும்  வளர்ச்சிக்கும்  தொண்டு புரிய இயக்கமாக இயங்கினார்.  தனக்காகத் தமிழை விற்றுப்பிழைக்கிற இந்நூற்றாண்டில்  பாரதியைப் போலவே  தமிழுக்காகத் தன்னை - தன் பொருளை - தன் உடலை - தன் ஆவியைத் தத்தம் செய்து பிழைக்க முடியாமல் செத்துப் போனவர்.