செய்யுள்கள், உரைநடையில் தமிழின்பம் நுகர வேண்டுமானால் திரு.வி.க.,
சேதுப்பிள்ளை ஆகிய இரு புலவர்களின் செந்தமிழைச் செவி மடுக்க வேண்டும்.
”செந்தமிழுக்கு சேதுப்பிள்ளை” என்றும் சொல்லலாம். அவர் எழுதிய `வேலும்
வில்லும்’, `ஊரும் பேரும்’ முதலிய நூல்கள் தமிழின்பத் தேன் துளிகளாகும்.
மற்றொரு நூல் இதோ இருக்கின்றதே ’தமிழின்பம்’. இதை இன்பத்துள் இன்பம் என்று
சொல்லலாம். இதில் உள்ள கட்டுரைகள் தமிழுக்கும், பொருளாராய்ச்சிக்கும்
பயன்படும் அரிய சொல்லணிகளாகும். மேடைப்பேச்சு எப்படியிருக்க வேண்டும்;
கட்டுரைகள் எப்படி அமைய வேண்டும்; என்பதை இந்நூல் மாணவர்களுக்கு நன்கு
விளக்கும். படிக்கப் படிக்கத் தெவிட்டாது இனிக்கின்றன. தமிழர் படித்துப்
படித்துப் பயன்பெறுக!. -சுத்தானந்த பாரதி.
