ரஷ்யப் படைப்பிலக்கிய மேதையான லியோ டால்ஸ்டாய் எழுதிய சிறிய அகலப்புனைக்கதை “ ஷாஜி முராத் “ ஆகும். 1896 -க்கும் 1904- க்கும் இடைப்பட்ட காலத்தில் எழுதப்பட்ட இக்குறுநவீனம், அவருடைய மரணத்துக்குப் பின்னரே வெளியிடப்பட்டது. இதுவே டால்ஸ்டாயின் இறுதிப்படைப்பாகும் ஹாஜி முராத் பெயருடைய , “ அவார் “ இனப் புரட்சிக்காரன், தனது சொந்தப் பழிவாங்கலுக்காகத் தான் இதுவரை எதிர்த்துப் போராடிவந்த ரஷ்யர்களோடு, ஓர் இக்கட்டான சூழ்நிலையில் செய்துகொண்ட உடன்பாட்டைக் கருவாக வைத்துப் படைக்கப்பட்டதே இக்குறு நவீனம்.
உலகின் மிகச்சிறந்த அகலபுனைக்கதையாளருள் ஒருவராய் மதித்துப் போற்றப்படுபவர் லியோ டால்ஸ்டாய், ” போரும் அமைதியும் “, “ அன்னா கரீனா “ , போன்ற அவரது உன்னதமான படைப்புகள், தம்முடைய உள்ளடக்கத்திலும் வீச்சிலும் , 19-ம் நூற்றாண்டின் ரஷ்ய வாழ்க்கையை ஒழுகலாறுகளைப் பற்றிய , மிகத் தெளிவான படப்பிடிப்பினால், உயிரோட்டம் மிகுந்த புனைகதைப் படைப்பின் உச்சகட்ட உருமாதிரிகளாய்த் திகழ்கின்றன.
