சிவப்பு இதயங்கள் (old book rare)

ஆலிவ் பூக்களால் ஆடை..
சிரிப்பினில் வெள்ளி நீரோடை..

சாயம் பூசிய மேகம்..
தரையில் நீந்தும் மேகம்..

வண்ண வண்ண மழைச்சாரல்..
பார்த்து வானவில் ஊடல்..

சிவப்பு இதயங்கள்..காதோரம் புதைத்து..
நதியலைகள்..சிகையோரம் விதைத்து..

இதழின் சிரிப்புத்துளிகள் இதயம் பறிப்பு..
புல்லின் பனித்துளிகள் பார்த்து வியப்பு..

முகம் தாங்கும் மணிக்கட்டில்
மின்னும் நட்சத்திரம்..
மஞ்சள் உடை அணிந்து சிரிக்கும்
பெண் சித்திரம்..

அவள் படரவே புல்வெளியும்
மெத்தை தைக்க..

அவள் சிரிக்கவே பனித்துளியும்
நிறத்தை இழக்க..

இந்த வெளிச்ச புன்னகையில்
கொழுந்து விட்டு எரியும்
உயிர் தீ..

இந்த ஒற்றை பார்வையில்
கலவர பூமியாகும்
நெஞ்சங்கள் பாவம்..