book

கிளி கொஞ்சுகிற மாதிர் இனிமையான குரலில் பேசுவார் தூரன். அது தொலைபேசியிலானாலும் சரி, நேரில் பேசும்போதாயினும்  சரி, ஆனந்தமாக ரசித்துக் கேட்டுக் கொண்டேயிருக்கலாம். கலைக்களஞ்சியம் என்கிற அசுர சாதனைக்குத் தொகுப்பாசிரியராக அவர் பணியாற்றிய நாட்களிலிருந்தே திரு. தூரன் அவர்களுடன் பழகும் பேறு  எனக்குக் கிடைத்தது. தும்பைப் பூ வெண்மையில் கதராடை, நகைச்சுவை மிளிர விஷய ஞானத்தோடு பேச்சு, குழந்தை மனம் எல்லாமாகச் சேர்த்து உருவகப்படுத்தினால் அது தூரன் அவர்களாகத்தான் அமையும்.