book

ஸ்ரீதர் கார்ட்டூன்ஸ்

Sridhar Cartoons

₹190+ shipping fee*(Free shipping for orders above ₹500 within India)
எழுத்தாளர் :வீயெஸ்வி
பதிப்பகம் :விகடன் பிரசுரம்
Publisher :Vikatan Prasuram
புத்தக வகை :சிறுவர்களுக்காக
பக்கங்கள் :318
பதிப்பு :1
Published on :2010
ISBN :9788184762631
குறிச்சொற்கள் :சித்தரக்கதைகள், சிந்தனைக்கதைகள், பழங்கதைகள், குழந்தைகளுக்காக
Out of Stock
Add to Alert List

சிரிக்கவும் சிந்திக்கவும்

அறுபது வருடங்களுக்கு முந்தைய ஆனந்த விகடன் இதழ்களைப் புரட்டிப் பார்க்கும்போது, அந்த நாட்களில் வெளியாகியிருக்கும் தலையங்கக் கட்டுரைகளும், கார்ட்டூன்களும் பிரமிக்க வைப்பதாக இருக்கின்றன.  முக்கியமாக, ஒவ்வொரு வாரமும் இடம் பெற்றிருக்கும் கார்ட்டூன்கள், அன்றைய சர்வதேச அரசியல் சூழலைப் படம்பிடித்துக் காட்டுகின்றன.  சுதந்திரம் கிடைத்த பிறகு, இந்திய அரசியலின் பின்னணியையும் கார்ட்டூன்கள் வாயிலாகப் புரிந்துகொள்ள முடிகிறது.

1947-ல் தன்னுடைய கார்ட்டூன்கள் மூலம் விகடனுக்குள் பிரவேசித்திருக்கிறார் ஸ்ரீதர்.  ஆசிரயர் எஸ்.எஸ். வாசன் அவர்களின் வழிகாட்டுதலுடன் நாட்டுநடப்பு குறித்த அவருடைய விமரிசனங்கள், கிண்டலும் கேலியும் கலந்து, கேலிச்சித்தரங்களாக அணிவகுத்திருப்பதைப் பார்க்க முடிகிறது.  அதோடு, அரசியல் மற்றும் சமூகத்தில் ஏற்பட்ட மாற்றத்தையும் அறிய முடிகிறது.

ஆரம்பத்தில் 'வெளிநாடுகள்' தொடர்பான கார்ட்டூன்களை அதிகம் வரைந்திருக்கிறா அவர்.  இந்திய அரசியலில் காந்தி, நேரு, வல்லபாய் படேலில் ஆரம்பித்து உள்ளூர் அரசியல் தலைவர்களான காமராஜர், அண்ணாதுரை வரையில் பலரும்பவனி வருகிறார்கள்!  எல்லா கார்ட்டூன்களுமே சிரிக்கவும் சிந்திக்கவும் வைக்கின்றன.

இன்றைய இளைய தலைமுறையினரும், அன்றைய அரசியல் நிகழ்வுகளைத் தெரிந்துகொள்ள வேண்டும் என்ற ஆவலுடன் கார்ட்டூன் தொகுப்புகளை வெளியிடத் தீர்மானித்தோம்.  அந்த வகையில், 1949 முதல் 1960 வரையில் விகடனில் ஸ்ரீதர் வரைந்த கார்ட்டூன்களில் பெரும் பகுதியை இந்த முதல் பாகத்தில் இடம்பெறச் செய்திருக்கிறோம்.

வீட்டில் பழைய போட்டோ ஆல்பத்தைப் புரட்டும்போது ஏற்டும் பரவசம், இந்த கார்ட்டூன் ஆல்பத்தை ஒவ்வொரு பக்கமாகப் பார்க்கும் போது ஏற்படுவது நிச்சயம்!