book

"லக்ஷ்மி" என்ற இந்த நாவலைப் படித்து முடித்த வுடன் எனக்கு ஒருமுறை பரமபத சோபான படத்தை வைத்துக்கொண்டு கடைசியில் பரமபதத்தில் ஏறி ஒரு கவலையும் இல்லாமல் வெற்றி பெற்றது போன்ற இன்பம் உண்டாயிற்று. சிலப்பதிகாரத்தைப் பற்றிச் சொல் வார்கள்; அதில் கதாநாயகிதான் உண்டு; கதாநாயகன் இல்லை. என்பார்கள். அதுபோலவே இந்த நாவல் முழுவதும் லக்ஷ்மிதான் காட்சி தருகிறாள். டாக்டர் சீனு பேருக்குத்தான் கதாநாயகனாகக் கடைசியில் வருகிறான். ஆனால் கதை முழுவதும் லக்ஷ்மியே பல பாத்திரங்களி னிடையே உலவுகிறாள்; மகிழ்கிறாள்; மகிழ்விக்கிறாள்; துன்புறுகிறாள்; துணிவு கொள்கிறாள். விளக்கினால் தம்முடைய உருவங்களைக் காட்டும் பாத் திரங்கள் பல பல இந்நாவலில் வருகின்றன.