book

தன் உடம்பை தனக்கு ஒரு பாரமாக அமைந்து விடுவதை யாரும் விரும்புவதில்லைதான். அப்படிப்பட்டவர்கள் உண்ண,உடுக்க, ஓட ,நடக்க படும் பாட்டைக் கண்டு பரிதாபப்படத்தான்  வேண்டியிருக்கிறது. ஒரு சிலர் தாமே அதற்குக் காரணமாகி விடுவதுண்டு.ஒரு சிலரை இயற்கையே தண்டித்து விடுவதும் உண்டு. எது எப்படியானாலும் அப்படிப்பட்டவர்கள் மற்றவர்களைப் போல வாகான உடம்பைப் பெறவும், தோற்றப் பொலிவை அடையவும் மறுக்கப் போவதில்லை. வகையறியாது, வழிகாட்ட ஆளில்லாமல்தான் தவிக்கிறார்களே தவிர ஊளைச் சதையோடும் உருவப் பெருக்கோடும் நடமாட விரும்புவதில்லை.அவர்களுக்கு வழிகாட்ட,உதவ இந்நூலாசிரியர் திரு.கே.ஆர்.சுந்தரம் அவர்கள் உறுதி புண்டு விட்டார்.