book

முதன் முதலாக என்னைப் பார்த்தபோது
வெட்கப்பட்டு கீழே குனிந்து
சிறு புன்னகை வீசிச் செல்லாமல்
ஹாய் சொல்லி
என்னைப் பற்றிய விபரங்களைக் கேட்டறிந்தனால்
என்னிடம் நூறுரூபாய் வாங்கிக்கொண்டு
இத்தனாந்தேதி திருப்புத் தந்துவிடுகிறேனென்று
சொல்லாமல் சென்றதனால்
என் சட்டையில் வியர்வைவாசம் வீசும்போது
முகம் சுளிக்காமல் கூந்தல் மல்லிகை பறித்து
சட்டைப்பைக்குள் போட்டதனால்
இருவரும் பேசிக் கொண்டிருக்கும் போது
அப்பா வந்தவுடன் பிரிந்தோடி மறையாமல்
அவரிடம் என்னை அறிமுகப்படுத்தியதனால்
உன்னிணம் ஒன்று சொல்லவேண்டுமென்று
அடிக்கடி சொல்லிக்கொண்டு
இதுவரை சொல்லாமல்
இழுத்துக் கடத்தியதனால்
அவள் என் தோழியானாள்.

                                                                                                  -கட்டளை ஜெயா.