book

நாடகங்களில் கூறப்படும் நல்ல கருத்துக்கள் பார்வையாளர்களின் மனங்களில் பதிந்து திருப்புமுனைகளை ஏற்படுத்துகின்றன என்பது திட்டவட்டமான உண்மை. தேசத்தந்தை மகாத்மா காந்தி கூட அரிச்சந்திரன் நாடகத்ததைப் பார்த்த பிறகுதான் எந்த வடிவில் சத்திய சோதனைகள் வந்தாலும் உண்மையே பேசவேண்டும் என்று உறுதிபூண்டதாகக் கூறியுள்ளார்.

 கருத்தாழமிக்க நாடகங்களை எழுதிப் பாராட்டுகள் பெற்றவர் எழுத்தாளர் திருமிகு. கமலவேலன். அவரது நாடகங்கள் வானொலியிலும் தொலைக்காட்சியிலும் இடம் பெற்றுள்ளன. சிறுகதை, சிறுவர் இலக்கியம், பொது அறிவுக் கட்டுரைகள், நாடகங்கள் எனப் பல நூல்களை அவர் படைத்துள்ளார்.

 நறுக்குத் தெறித்தாற்போல் உரையாடல்கள் அமையப்பெற்ற அவரது நான்கு நாடகங்கள் இந்நூலில் இடம் பெறுகின்றன. பார்ப்பவரைக் குலுங்கக் குலுங்கச் சிரிக்க வைக்கும் நகைச்சுவை நாடகங்கள் படிப்பவரையும் அப்படியே பதப்படுத்தும்.