book

ரஷ்ய புரட்சி 1917 இல் ரஷ்யாவில் நடந்த ஒரு ஜோடி புரட்சிகளாகும், இது சாரிஸ்ட் எதேச்சதிகாரத்தை அகற்றி சோவியத் ஒன்றியத்தின் எழுச்சிக்கு வழிவகுத்தது. இரண்டாம் பேரரசர் நிக்கோலஸ் பதவி விலகியதன் மூலம் ரஷ்ய சாம்ராஜ்யம் சரிந்தது, பிப்ரவரி 1917 முதல் புரட்சியின் போது பழைய ஆட்சி ஒரு தற்காலிக அரசாங்கத்தால் மாற்றப்பட்டது (கிரிகோரியன் நாட்காட்டியில் மார்ச்; பழைய ஜூலியன் நாட்காட்டி அந்த நேரத்தில் ரஷ்யாவில் பயன்பாட்டில் இருந்தது). அதனுடன் அடிமட்ட சமூக கூட்டங்கள் ('சோவியட்ஸ்' என்று அழைக்கப்படுகின்றன) எழுந்தன, அவை அதிகாரத்திற்காக போராடின. அக்டோபரில் நடந்த இரண்டாவது புரட்சியில், தற்காலிக அரசாங்கம் கவிழ்க்கப்பட்டு, அனைத்து அதிகாரங்களும் சோவியத்துகளுக்கு வழங்கப்பட்டன. ரஷ்யா ஒரு தேசிய அரசாக உருவாக்கப்படவில்லை, மாறாக தேசியங்களால் ஆன ஒரு அரசாக உருவாக்கப்பட்டது. இது அதன் தாமதமான அபிவிருத்தி குணாம்சத்திற்கு உரியதாய் இருந்தது. விரிந்த விவசாயம் மற்றும் குடிசைக் கைத்தொழில்களின் ஒரு அடித்தளத்தின் மீது, வணிக மூலதனமானது உற்பத்தியை உருமாற்றுவதன் மூலமாக ஆழமாய் நடைபெறவில்லை, மாறாக தனது செயல்பாட்டு எல்லையை அதிகரிப்பதன் மூலமாய் அகலமாய் விரிந்து சென்றது. புதிய நிலங்களைத் தேடியும் வரித் தொல்லைகளில் இருந்து சுதந்திரம் தேடியும் விவசாயக் குடியேற்றங்கள் அவர்களை விடவும் கூடுதலாய் பின் தங்கியிருந்த பழங்குடியினர் வசித்து வந்த புதிய பிரதேசங்களுக்குள் ஊடுருவிக் கொண்டிருந்தன, அவர்களைப் பின் தொடர்ந்து வணிகரும், நிலப்பண்ணையாரும் மற்றும் அரசாங்க அதிகாரியும் மையத்தில் இருந்து சுற்றளவு எல்லையை நோக்கி முன்னேறினர். அடித்தளத்தில் அரசின் விரிவாக்கம் என்பது விவசாயத்தின் விரிவாக்கமாய் இருந்தது, அதுவோ தனது அத்தனை ஆதிகாலத் தன்மை இருந்தாலும் தெற்கிலும் கிழக்கிலும் இருந்த நாடோடிகளைக் காட்டிலும் ஒரு குறிப்பிட்ட மேலோங்கிய குணத்தை வெளிப்படுத்தியது. இந்த பிரம்மாண்டமான மற்றும் தொடர்ந்து விரிந்து கொண்டே சென்ற அடிப்படையின் மீது தன்னை அமைத்துக் கொண்ட அதிகாரத்துவ வகையிலான அரசு, மேற்கிலே ஒரு உயர்ந்த கலாச்சாரத்தைக் கொண்டிருந்தபோதும் தங்களது சிறு எண்ணிக்கையாலோ அல்லது உள்முக நெருக்கடி நிலையினாலோ தமது சுதந்திரத்தைப் பாதுகாக்க முடியாமல் இருந்த சில நாடுகளை (போலந்து, லித்வேனியா, பால்டிக் அரசுகள், பின்லாந்து) தமது ஆளுகைக்குட்படுத்தும் அளவுக்கு வலிமையுடையதாய் ஆனது.