book

நியூடில்லி இந்திரா காந்தி நேஷனல் சென்டர் பார் தி ஆர்ட்ஸ், தீ வீணா பவுண்டேஷன் டில்லி மற்றும் நாரத கான சபா, சென்னை, எஸ்.ஜி.பி.எஸ்., டிரஸ்ட் பெங்களூரு இணைந்து வழங்கிய நவராத்ரி வீணார்ப்பணா வீணையிசை நிகழ்ச்சிகள் சென்னையில் கோலாகலமாக நடந்தன.  இந்த வீணை மறுமலர்ச்சிக்கு முக்கிய காரணமாக விளங்கும் பிரபல வீணை கலைஞர் வி.ரகுராம அய்யர் டில்லி இந்திரா காந்தி நேஷனல் சென்டர் பார் தி ஆர்ட்ஸ், தி வீணா பவுண்டேஷன் சார்பில் இப்பணியை பல ஆண்டுகளாக செய்து வருவது பாராட்டுக்குரியது. உலகெங்கிலும் உள்ள அனைத்து வீணைக் கலைஞர்களையும், ஒரு குடை கீழ் கொணர்ந்து இந்த உன்னத வேள்வியை நடத்தி வருவது சிறப்பானது. சென்னை நாரத கான சபா கலையரங்கத்தில் நவராத்ரி வீணார்ப்பணா நிகழ்ச்சியை  கனிமொழி எம்.பி., துவக்கி வைத்தார். சென்னை நாரத கான சபாவில் மினி அரங்கில் நடைபெற்ற சில வீணையிசை நிகழ்ச்சிகள் வெகுவாக ரசிகர்களை கவர்ந்தன.