புத்தக விமர்சனம்

இரை தேடும் பறவை – நூல் விமர்சனம்
இரை தேடும் பறவை நூல் ஆசிரியர் கவிஞர் கருவை சு .சண்முக சுந்தரம் இதய மொழி பதிப்பகம் விலை 50 நூல் விமர்சனம் கவிஞர் இரா .இரவி நூல் ஆசிரியர் கவிஞர் கருவை சு .சண்முக சுந்தரம் வரலாற்று சிறப்பு மிக்க மதுரை தியாகராசர் கல்லூரியின் முனைவர் பட்ட ஆய்வாளர் . நூலின் அட்டைப்படம் இரை தேடும் பறவை என்ற தலைப்பிற்குப் பொருத்தமாக உள்ளது .இந்நூல் தமிழீழ விடுதலைக்காகதங்கள் தன்னுயிர் ஈந்த மக்களுக்கும், மாவீரர்களுக்கும் ...என்று எழுதி தன் தமிழ் இன உணர்வை பறை சாற்றியுள்ளார் . கவியரசு நா .காமராசன் ,கலைமாமணி ஞானசம்பந்தன் ,திரு .மோகன பாரதி ஆகியோரின் அணிந்துரை அழகுரையாக உள்ளது . மதுக்கடைகளில் விற்பனையாகும் மதுக்களின் புள்ளிவிபரங்களைப் படிக்கும் போது .இந்த சமுதாயம் இப்படி குடித்து வீணாகின்றதே என்பதை நினைக்கும்போது வேதனையாக உள்ளது ..அதனை உணர்த்து ஹைக்கூ . எமனை வரவேற்க அரசு ஏற்பாடு மதுக்கடைகள் திறப்பு இன்றைய இளைய சமுதாயம் தனக்குப் பிடித்த நடிகரின் திரைப்படம் வருகிறது என்றால் கட் அவுட் வைக்க ,அதற்கு பாலபிசேகம் செய்ய, தோரணம் கட்ட ,பல மடங்கு உயர்வான கட்டணத்தில் திரைப்படம் முதல்நாள் முதல் காட்சி பார்ப்பதை வழக்கமாக வைத்துள்ளனர் . புதுப்பட வரவு வகுப்பறையில் குறைந்தது மாணவர்கள் வரவு மகாகவி பாரதியார் போல பறவை நேசத்துடன் ஹைக்கூ வடித்துள்ளார் . விடுமுறை நாட்களில் பள்ளிக்கு வந்து ஏமாறும் மதிய உணவுக்கு காகம் சிறிய விசயத்தைக் கூட கவிஞன் கற்பனையில் மிகப் பெரிதாகப் பார்ப்பான் .என்பதை உணர்த்திடும் ஹைக்கூ . வெளிச்சம் தரா மூன்றாம் பிறை வெட்டிப் போட்ட நகம் இஸ்லாமியப் பெண்கள் பலருக்கும் இன்றும் மத நம்பிக்கை காரணமாக பர்தா அணிவிக்கும் பழக்கம் நூல் ஆசிரியர் கண்ணில் பட்டு அதையும் ஒரு ஹைக்கூ ஆக்கி உள்ளார் . நிலவை மறைத்த வண்ணம் இருக்கிறது மேகம் பர்தா மகன் நாத்திகனாக இருந்தபோதும் அம்மா பாசத்துடன் பக்தியுடன் விபூதி பூச வந்தால் வேண்டாம் என்று மறுப்பதில்லை .எனக்கும் இந்த அனுபவம் உண்டு .இந்த நிகழ்வையும் ஹைக்கூ வாக காட்சிப் படுத்தி உள்ளார் . விருப்பமில்லை என்றாலும் வெறுக்கவில்லை அம்மா பூசி விடும் விபூதி ஆயுத பூசை என்ற பெயரில் ஆட்டோ ஓட்டுனர்கள் ,வட்டிக்கு கடன் வாங்கி தெருவில் அமர்களப் படுத்துவதை பார்த்து இருக்கிறோம் .இதனை உற்று நோக்கிய நூல் ஆசிரியர் கவிஞர் கருவை சு .சண்முக சுந்தரம் ஹைக்கூ வடித்துள்ளார் . ஆயுத பூசை ஆயுள் முடிந்தது வாழைக் கன்றுகள் ஆய்வு மாணவர் என்பதால் சமுதாய நிகழ்வுகளை ஆய்ந்து ஹைக்கூ வாக்கி உள்ளார் . சராசரி மனிதன் பார்வைக்கும் ஒரு படைப்பாளியின் பார்வைக்கும் நிறைய வேறுபாடு உண்டு .எறும்புகள் செல்வதைக் கூ ட ஹைக்கூ வாக வடித்துள்ளார் . யாருக்குத் திருமணம் சீர் வரிசையோடு போகின்றன எறும்புகள் முரண் சுவையுடம் ஏழ்மையை உணர்த்தும் ஹைக்கூ இதோ ! அடுப்பு எரிந்தால்தான் அணையும் குடும்பத்தில் பசி ஜப்பானிய ஹைக்கூ கவிஞர்களைப் போல இயற்கையும் பாடி உள்ளார் . ஞாயிறு போனதும் திங்கள் வரவில்லை அமாவாசை பல்வேறு பொருள்களில் ஹைக்கூ எழுதி உள்ளார் .பாராட்டுக்கள் .சிறிய வேண்டுகோள் அடுத்த பதிப்பில் சில ஹைக்கூ கவிதைகள் நான்கு வரிகள் உள்ளது .அவற்றை ஹைக்கூ இலக்கணப் படி மூன்று வரிகளாக்கி விடுங்கள் . -- நன்றி அன்புடன் கவிஞர் இரா .இரவி இறந்த பின்னும் இயற்கையை ரசிக்க கண் தானம் செய்வோம் !!!!!

அவர்தான் கலைவாணர் – நூல் விமர்சனம்
அவர்தான் கலைவாணர் நூல் ஆசிரியர் எழுத்தாளர் சோழ .நாகராஜன் செல் 9842593924 தழல் பதிப்பகம் மதுரை .விலை 50 நூல் விமர்சனம் கவிஞர் இரா .இரவி மக்களை சிரிக்கவும் ,சிந்திக்கவும் வைத்த மக்கள் கலைஞன் என் .எஸ் .கிருஷ்ணன் வாழ்க்கை வரலாறு ,அவர் வாழ்வில் நடந்த சுவையான நிகழ்வுகள் ஆய்வு செய்து , தொகுத்து நூலாக வழங்கி உள்ளார் நூல் ஆசிரியர் எழுத்தாளர் சோழ .நாகராஜன்.என் .எஸ் .கிருஷ்ணன் திரைப்படங்களில் பாடிய பாடல்களை மேடையில் பாடி என் .எஸ் .கிருஷ்ணன் அவர்களின் புகழ் பரப்பி வருபவர் நூல் ஆசிரியர் சோழ .நாகராஜன்..அவரது நிகழ்ச்சியை கண்டு களித்து உள்ளேன் .மிகச் சிறப்பாக இருக்கும் .இந்த நிகழ்ச்சியின் வெற்றியின் காரணமாக என் .எஸ் .கிருஷ்ணன் அவர்களைப் பற்றிய நூல்களை படித்து ,கேட்டு, அறிந்து ,ஆய்ந்து இந்த நூலை எழுதிஉள்ளார் . அறிஞர் வ .ரா அவர்கள் .மக்கள் கலைஞன் என் .எஸ் .கிருஷ்ணன் பற்றி சொன்ன வைர வரிகளுடன் நூல் தொடங்குகின்றது .தமிழ் மக்களைச் சிரிக்க வைக்கும் மகான் . பேராசிரியர் ,எழுத்தாளர் அருணன் அற்புத அணிந்துரையில் தமிழகத்தின் சார்லி சாப்ளின் என்று தலைப்பிட்டு எழுதியுள்ளார் .உண்மைதான் மக்கள் கலைஞன் என் .எஸ் .கிருஷ்ணன் தமிழகத்தின் சார்லி சாப்ளின்தான் .பொது வுடைமைவாதியான நூல் ஆசிரியர் சோழ .நாகராஜன் சிறுவனாக இருந்தபோதே என் .எஸ் .கிருஷ்ணன் அவர்கள் பாடிய பாடல்களைக் கேட்டு பகுத்தறிவுப் பாதைக்கு வந்ததாக குறிப்பிடுகிறார் . காசிக்குப் போனா கரு உண்டாகும் என்ற காலம் மாறிப்போச்சு .. , உடுமலை நாராயண கவியின் வைர வரிகளுக்கு உயிர் வழங்கியவர் என் .எஸ் .கிருஷ்ணன் என்ற தகவலையும் உடுமலை நாராயண கவி பற்றிய தகவலையும் நன்குப் பதிவு செய்துள்ளார் .என் .எஸ் .கிருஷ்ணன் அவர்கள் நடித்த 100 படங்களின் பெயரைப் பட்டியலிட்டு நம்மை பிரமிப்பில் ஆழ்த்தி உள்ளார் . என் .எஸ் .கிருஷ்ணன் ஆரம்ப காலத்தில் நாடக சபாக்களில் சோடா, கலர் விற்கும் வேலை பார்த்து கொண்டே ஒரே நேரத்தில் விற்பனையும் , நாடக நடிகருக்குகான பயிற்சியும் பெற்றுள்ளார் என்ற தகவல் நூலில் உள்ளது . சிறந்த அவதானி செய்கு தம்பி பாவலர் என் .எஸ் .கிருஷ்ணன் அவர்களை நன்கு அவதானித்து தொலைநோக்குச் சிந்தனையுடன் அவர் அன்று சொல்லிய சொற்கள் அப்படியே நடந்தது அவர் வாழ்க்கையில் . நம் நாஞ்சில் நாட்டு இளைஞன் கிருஷ்ணன் வருங்காலத்தில் மாமேதை ஆகப் போகிறான் .இவனுடையல் புகழால் நம் நாஞ்சில் நாடு மட்டுமல்ல தமிழ்நாடே பெருமை அடையப் போகிறது . தன்னுடைய முதல் படத்திலேயே வாதாடி ,போராடி ஒரு தனித்த உரிமையைப் பெற்றார் .என்ற தகவல் உள்பட பல்வேறு தகவல்கள் நூலில் உள்ளது .என் .எஸ் .கிருஷ்ணன் அம்மையாரிடம் காதலிக்கும் தனக்குபோது தனக்கு திருமணம் ஆகவில்லை என்று பொய் சொல்லி விடுகிறார் .பின் நாளில் உண்மை தெரிந்து மதுரம் கேட்க ஆயிரம் பொய் சொல்லி திருமணம் செய் என்கிறார்கள் .நான் ஒரே ஒரு பொய்தானே சொன்னேன் என்று சொல்லி சமாளித்த தகவல் நூலில் உள்ளது . வீட்டிற்கு திருட வந்த திருடனை அடிக்காமல் சாப்பாடுப் போட்டு, திருடுவது குற்றம் உழைத்து சம்பாதிக்க வேண்டும் .தொழில் செய்து பிழைத்துக் கொள். என்று சொல்லி முதலாக வைத்துக் கொள் ! என்று பணமும் கொடுத்து அனுப்பிய கலைவாணரின் மனித நேயம் படித்து வியந்துப்போனேன் . வருமான வரி அதிகாரி இவர் நன்கொடை தருவது உண்மைதானா ?என்று சோதித்துப் பார்க்க மாறுவேடத்தில் ஏழையாக வந்து உதவி கேட்டபோது ,வந்தது வருமான வரி அதிகாரி என்று அறியாமல் உதவ முன் வந்த கலைவாணர் கொடை உள்ளம் கண்டு நெகிழ்ந்து , உனக்கு யாரைய்யா கிருஷ்ணன் என்று பெயர் வைத்தது ? உனக்கு கர்ணன் என்றுதான் பெயர் வைத்திருக்கணும்.என்றார் செய்திப் படித்து கலைவாணரின் உதவும் பண்பை இன்றைக்கு கோடி கோடியாக சம்பாதிக்கும் நடிகர்கள் கடைப்பிடிக்க முன் வர வேண்டும் .மக்களிடம் இருந்துப் பெற்றப் பணத்தை மக்களுக்கே வழங்கியதால்தான் கலைவாணர் இன்றும் ,இறந்தபின்னும் மக்கள் மனங்களில் வாழ்கிறார் . கர கர கரவென சக்கரம் சுழல் கரும்புகையோடு வருகிற ரயிலே ! அந்நியர்கள் நம்மை ஆண்டது அந்தக் காலம் நம்மை நாமே ஆண்டு கொள்வது இந்தக் காலம் மனுசனை மனுஷன் ஏய்ச்சுப் பொழச்சது அந்தக்காலம் அது அந்தக்காலம்! இப்படி பல்வேறு பாடல்கள் படிப்பவர்களுக்கு கலைவாணர் அவர்கள் பற்றிய மலரும் நினைவுககளை மலர்வித்து நூல் ஆசிரியர் சோழ .நாகராஜன் வெற்றிப் பெறுகின்றார். பாராட்டுக்கள் -- நன்றி அன்புடன் கவிஞர் இரா .இரவி இறந்த பின்னும் இயற்கையை ரசிக்க கண் தானம் செய்வோம் !!!!!

ஒப்பியலில் திருவள்ளுவரும் உலக அறிஞர்களும் – நூல் விமர்சனம்
ஒப்பியலில் திருவள்ளுவரும் உலக அறிஞர்களும் நூல்ஆசிரியர் ,பேராசிரியர் எ .எம் .ஜேம்ஸ் manithaneyajames@hotmail.com செல் 9790128232 நூல் விமர்சனம் கவிஞர் இரா .இரவி பதிப்பகம் காவ்யா சென்னை. விலை 500 நூல்ஆசிரியர் எ .எம் .ஜேம்ஸ் மதுரை யாதவர் கல்லூரியில் ஆங்கிலப் பேராசிரியராகப் பணியாற்றி ஒய்வுப் பெற்று ,மனிதநேய மாத இதழ் நடத்தி வருபவர் .இதழில் எழுதி வந்த வள்ளுவர் முன்மொழிந்தார் உலக அறிஞர்கள் வழிமொழிந்தார்கள். என்ற தொடர் கட்டுரையின் தொகுப்பு இந்நூல். உலகப் பொது மறையான திருக்குறளுக்கு மகுடம் சூட்டும் விதமாக நூல் வந்துள்ளது . உலக அறிஞர்ககள் யாவருக்கும் மூலவராக நமது திருவள்ளுவர் திகழ்ந்துள்ளார் .என்பதை உணர்த்தும் விதமாக இந்நூல் வந்துள்ளது .பாராட்டுக்கள் . மொழி, நாடு ,சமயம் ,இனம் ,காலம் என்ற எல்லைகளைக் கடந்து திருவள்ளுவர் ,உலக மானுடத்திற்கு உவந்து உரிமைச் செல்வமாக வழங்கிச் சென்றுள்ள பரம்பரைச் சொத்துதான் திருக்குறள் .ஆங்கிலக் கட்டுரையாளர் திரு .ஜோசப் அடிசன் கருத்துடன் நூல் தொடங்குகின்றது .மதுரை ஆதீனம் ஆசியுரை மிகச் சிறப்பாக உள்ளது .மதுரைப் பேராயர் ,குன்றக்குடி பொன்னம்பல அடிகளார் ஆகியோர் வாழ்த்துரை முத்தாய்ப்பாக உள்ளது. திருக்குறள் நாள்தோறும் நாம் அசைபோட்டுச் சீரணிக்க வேண்டிய நூல் என்று நூல்ஆசிரியர் எ .எம் .ஜேம்ஸ் தன்னுரையில் குறிப்பிட்டுள்ளார் உண்மைதான் நம் வாழ்க்கைச் சிறக்க வழி காட்டுவது திருக்குறள் .கர்னல் முனைவர் க.திருவாசகம் ஆங்கிலத்தில் மிக நன்றாக அணிந்துரை வழங்கி உள்ளார் .தமிழறிஞர் தமிழண்ணல் ,கவிவேந்தர் கா .வேழவேந்தன் தமிழ்த்தேனீ இரா .மோகன் ஆகியோரின் அணிந்துரை அற்புதமாக உள்ளது. நூலிற்கு வளம் சேர்ப்பதாக உள்ளது . காவ்யா சண்முக சுந்தரம் அவர்களின் பதிப்புரை மனதில் பதியும் உரையாக உள்ளது .நூலில் முதலில் திருக்குறள் அடுத்து மிக எளிய தெளிவுரை அடுத்து உலக அறிஞர்கள் அந்த திருக்குறளுக்கு பொருத்தமாக சொன்ன கருத்து ஆங்கிலத்தில் ,அடுத்து அதன் மொழி பெயர்ப்பு தமிழிலும் மிக சிறப்பாக எழுதி உள்ளார் .நூல்ஆசிரியர் எ .எம் .ஜேம்ஸ் . நூல் ஆசிரியரின் கடின உழைப்பை உணர முடிகின்றது .பல்வேறு மலர்களில் இருந்து தேனீ தேன் எடுப்பது போல பல்வேறு நூல்களில் இருந்து திருக்குறள் தொடர்பான கருத்தை சேகரித்து அதனை அதற்க்கு பொருத்தமான திருக்குறளோடு பொருத்தி மிகப்பெரிய ஆய்வு நடத்தி உள்ளார் . பல்வேறு அறிஞர்களின் கருத்தை படித்து தெளிந்து திருக்குறளோடு ஒத்து வரும் கருத்தை தொகுத்து நூலாக வழங்கி உள்ளார் .மேல் நாட்டு அறிஞர்கள் சேக்க்ஷ்பியர் ,போப் ,மில்டன் ,வால்டர் ,ஜான்ஜெய் ,ஜியோ ,மேக்டோனால்டு , தாம்சன் ,ஹீல்ஸ் ,இராபர்ட்சென் ,ஜெரேமை டெய்லர், பெளரிங் ,ஷ்டிரட்ஸ் ,டேனியல் வெப்ஷ்டர் ,டுபின் ,ரோஜர்ஸ் ,சீசரோ ,சேரன் ,அடிசன் ,பென், ஜனாதன் எட்வர்ட்ஸ் ,ஜியார்ஸ் எலைட்,சுவீடன் பர்க் இப்படி 224 அறிஞர்களின் கருத்தை மேற்கோளாகக் காட்டி உள்ளார் . நம் நாட்டில் வாழ்ந்த அறிஞர்கள் கவியரசர் இரவீந்திர நாத் தாகூர் ,அன்னை தெரசா ,சுவாமி சித்பவானந்தா கருத்துகளும் இந்நூலில் உள்ளது. ஒவ்வொரு நூலைப் படிக்கும் போதும் திருக்குறளை ஒட்டிய கருத்து எங்கு ? உள்ளது என்று தேடிக் கண்டுப் பிடித்து அதற்க்கு பொருத்தமான திருக்குறளோடு பொருத்திக் காட்டி உள்ளார் .நூல்ஆசிரியர் எ .எம் .ஜேம்ஸ் அவர்களுக்கு தமிழ் ,ஆங்கிலம் இரண்டு மொழியிலும் நல்ல புலமை இருப்பதால் ,மகாகவி பாரதியாரின் கருத்துப்படி தேமதுரத் தமிழோசை உலகெலாம் பரவும் வண்ணம் நூலை வடித்து உள்ளார் . அறிஞர்களின் அறிஞர் திருவள்ளுவர் ,உலக நூல்களின் சிகரம் திருக்குறள் .என்று ஆய்வின் மூலம் ஆணித்தரமாக நிருபித்து உள்ளார் .நூல் ஆசிரியர் .இந்த நூலை மைய அரசுக்கு அவசியம் அனுப்பி வைக்க வேண்டும் .உலகப் பொது மறையான திருக்குறளை இன்னும் தேசியநூலாக அறிவிப்பதற்கு தயங்குவதன் காரணம் என்ன என்பது புரியாத புதிராக உள்ளது .இந்நூலை பார்த்து விட்டாவது திருக்குறளை தேசியநூலாக அறிவிக்க வேண்டும் . அன்பிற்கும் உண்டோ அடைக்கும் தாழ் ஆர்வலர் புன் கண்நீர் பூசல் தரும். புகழ்ப்பெற்ற இந்த திருக்குறளுக்கு நோபல் நாயகன் ,மிகச் சிறந்த கவிஞர் ,ஓவியர், கவியரசர் தாகூரின் உயந்த கருத்தை பொருத்தி உள்ளார் . நாம் அன்பு செலுத்துபவர் யாராயினும் ,அவரில் நமது சொந்த ஆன்மா மிக ,மிக உச்சமான உயர்ந்த அன்பு உணர்வுடன் ஒன்றி இருப்பதைக் காண்கிறோம் . தாகூரின் கருத்தை மிக எளிதாக நுட்பமாக தமிழில் மொழி பெயர்த்துள்ளார் .நூல்ஆசிரியர் பேராசிரியர் எ .எம் .ஜேம்ஸ் ஏற்கனேவே தாகூரின் கீதாஞ்சலியை தமிழில் மொழி பெயர்த்தவர் . நன்றி மறப்பது நன்றன்று நன்றல்லது அன்றே மறப்பது நன்று . மிகப் பிரபலமான இந்த திருக்குறளுக்கு சரண் என்ற அறிஞரின் கருத்தை இணைத்துள்ளார் . ஒருவரிடமிருந்து ஒரு உதவியைப் பெற்றவன் அதை எப்போதும் மறக்கக் கூடாது .உதவியை வழங்கியவன் அதை நினைவில் வைக்கக் கூடாது . நிழல் நீரும் இன்னாத இன்னா தமர் நீரும் இன்னாவாம் இன்னா செயின் . என்ற இந்த திருக்குறளுக்கு ரோஜாஸ் என்ற அறிஞரின் கருத்தை ஒப்பிட்டு உள்ளார் . நாம் எதிரி என்று சந்தேகப் படாமலிருக்கும் நபர்தான் மிக மிக ஆபத்தான எதிரி . முனைவர் பட்ட ஆய்வாளர்களை விஞ்சும் வண்ணம் மிகப் பெரிய ஆய்வு செய்து நூலை படைத்துள்ளார் .இவருக்கு தஞ்சை தமிழ்ப் பல்கலைக் கழகம் மதிப்புறு முனைவர் பட்டம் வழங்கி பாராட்ட வேண்டும் என்பது என் விருப்பம் .நூல் ஆசிரியர் இது வரை எழுதிய நூல்களில் மிகச் சிறந்த நூலாக இந்த நூல் வந்துள்ளது .பாராட்டுக்கள் .

அவ்வுலகம் – நூல் விமர்சனம்
அவ்வுலகம் நாவல் ஆசிரியர் முனைவர் .வெ. இறையன்பு இ.ஆ .ப . உயிர்மை பதிப்பகம் விலை ரூ 140 நூல் விமர்சனம் கவிஞர் இரா .இரவி இந்த நூல் வெளியீட்டு விழா சென்னையில் பிட்டி தியாகராயர் அரங்கில் அரங்கு நிறைந்து ,வாசகர்கள் வெளியில் நின்று கேட்டு மகிழ்ந்தார்கள். விழாவிற்காக நானும் சென்னை சென்று இருந்தேன் . இ.ஆ .ப . அதிகாரிகள் 40 பேருக்கு மேல் கலந்து கொண்டனர் .குறிப்பாக நிதித் துறை செயலர் சண்முகம் , திருவாளர்கள் ஜவகர் ,மோகன்தாஸ் , உதயச் சந்திரன் கலந்து கொண்டனர் . எழுத்தாளர் எஸ் .ராமகிருஷ்ணன் குட்டிக் கதைகள் சொல்லி , மிகச் சிறப்பாக உரையாற்றினார் .நூல் வெளியீட்டு விழாவிற்கு இவ்வளவு கூ ட்டம் சென்னையில் கூடியதே இல்லை என்றார்கள் .நாவல் ஆசிரியர் முனைவர் .வெ. இறையன்பு, வாசகர்கள் அனைவரையும் வாசலில் நின்று இன்முகத்துடன் வரவேற்றார் .வந்த அனைவருக்கும் சிற்றுண்டி வழங்கப்பட்டது .37 நூல்கள் எழுதியிருந்த போதும் இந்த நான்கு நூல்களுக்குதான் முதல் முறையாக வெளியீட்டு விழா நடத்தப்பட்டது . . முனைவர் .வெ. இறையன்பு அவர்களின் வாசகர்கள் பெருமளவில் கலந்து கொண்டனர் .இந்த விழா பற்றி ஒரு கட்டுரையே எழுதலாம் அவ்வளவு சிறப்பாக நடைப்பெற்றது . உயிர்மை பதிப்பகத்தின் சார்பாக வரும் இறைஅன்பு அவர்களின் முதல் நூல் இது .இந்த நாவலுக்காக வந்த தொகையை ,காஞ்சிபுரம் மாவட்ட ஆட்சியராக இருந்தபோது தொடங்கி இன்றும் நடைபெற்று வரும் நிலவொளி பள்ளிக்கும், மற்றொரு நூலின் கையை எய்ட்ஸ் தொண்டு நிறுவனத்திற்கும் நன்கொடையாக மேடையில் வழங்கப்பட்டது .எழுதுகிறபடியும் ,பேசுகிறபடியும் வாழ்கிறார் என்பதற்கு எடுத்துக்காட்டு இந்த நிகழ்வு . நூலில் பதிப்பாளர் உரையாக கவிஞர் மானுஷ்ய புத்திரன் முத்தாய்ப்பாக எழுதி உள்ளார் .நாவல் ஆசிரியர் முனைவர் வெ. இறையன்பு அவர்கள் முதலில் கவிஞர் பிறகுதான் எழுத்தாளர் என்பதால் நாவலில், நாவல் தொடங்குமுன் தன்னுரையைக் கவிதையாக எழுதி உள்ளார். மிகச் சிறப்பாக உள்ளது .நாவலின் முதல் வரியே மூட நம்பிக்கையை உடைக்கும் விதமாகத் தொடங்குகின்றார் . மனிதன் வாழும்போதுதான் பணத்தாசைப் பிடித்து அலைகின்றான் .இறந்த பின்னும் ஆசைப் போவதில்லை . இறந்தவர்களின் நெற்றியில் காசு வைத்து வீண டிக்கும் மூடப் பழக்கத்தை எள்ளல் சுவையுடன் தனக்கே உரிய பாணியில் சாடுகின்றார் . நெற்றியின் மீது அய்ந்து ரூபாய் நாணயம். அய்ந்து ரூபாக்கு எவ்ளோ தேன் மிட்டாய் வாகி சாப்பிடலாம் .இப்படி வீண் பண்றாங்களே நினைத்துக் கொண்டான் . உண்மைதான் வெட்டியான் கூட எடுப்பதில்லை இந்த நாணயத்தை .வீணாக தீயிலிட்டு வீணடித்து வருவதை நாவலில் சாடுகின்றார் . சாவைப் பற்றி நினைக்கவும் ,பேசவும் தயங்கும்அஞ்சும் மனிதர்கள் பலர் உண்டு . அவர்களுக்கு ஒரு தெளிவை ஏற்படுத்தும் விதமாக உள்ளது இந்த நாவல் .இவரது முந்தைய நாவலான சாகாவரத்தையும் விஞ்சும் விதமாக வந்துள்ளது . தெளிந்த நீரோடை போன்ற மிகச் சிறந்த நடை .படிக்க ஆர்வமாக உள்ளது .பாராட்டுக்கள் .நாவல் எப்படி ?எழுத வேண்டும் என்று இலக்கணம் கூறும் விதமாக உள்ளது .நாவலைப் படிக்கும் போது நடக்கும் நிகழ்வுகள் நம் மனக்கண் முன் காட்சிப் படுத்தி வெற்றிப் பெறுகின்றார் .அப்படியே காட்சிப் படுத்தும் அற்புதமான நடை பகுத்தறிவூட்டும் கருத்துக்களும் நாவலில் உள்ளது .இதோ ! சத்தமாய் என்னமா சாமி சாமின்னு சொன்னே ! வெறும் சிலைதான் இருக்குது என்றான் . எல்லோரும் திரும்பிப் பார்க்க அம்மா வாய் மீது ஒன்று போட்டாள்.அவன் கும்பிட நினைத்ததெல்லாம் மறந்து போனது . எல்லாக் கற்பனைகளுமே பொடிப் பொடியாகிற நிகழ்வுகளின் தொகுப்புதான் வாழ்க்கை என்பது புரியத் தொடங்கியது . வாழ்வியல் கருத்துக்களை நாவல் முழுவதும் விதைப் போல விதைத்துச் செல்கிறார் . நாத்திகர்கள் நேர்மையாக இருப்பது கடினம் என்ற மேம்போக்கு ஆத்திகர்களின் வாதங்கள் உடைக்குபடி வாழ்பவர் . உண்மைதான் நாத்திகர்கள் நேர்மையாகத்தான் வாழ்கிறார்கள் .ஆனால் நேர்மை தவறி சிறையில் இருப்பவர்கள்தான் பெரும்பாலும் ஆத்திகர்களாக இருக்கிறார்கள். எனக்கு சாவு வந்து விடுமோ ! என தினம் தினம் செத்துப் பிழைப்பவர்கள் அவசியம் படித்துத் தெளிவுப் பெற வேண்டிய நாவல் . மரணம் பற்றிய பயம் போக்கும் அற்புத நாவல் இது .இந்த மண்ணில் பிறந்த மனிதர்கள் யாவரும் ஒரு நாள் இறப்பது உறுதி .எல்லோருக்கும் உண்டு இறுதி .வாழ்நாளை நீட்டிக்க அறிவியல் வளர்ந்து விட்டது .ஆனால் வாழ்நாளை நிரந்தரமாக்கும் அளவிற்கு அறிவியல் இன்னும் வளர வில்லை .மனிதன் ஒரு நாள் அதையும் கண்டுப்பிடிப்பான் என்ற நம்பிக்கை எனக்கு உண்டு . முதுமை அடைந்த பின் இயற்கையாக வரும் மரணத்தை சந்தோசமாக ஏற்கும் மன நிலையை கற்றுத் தரும் நாவல் எனவே முதியவர்கள் அனைவரும் படிக்க வேண்டிய நாவல் .நாவலின் கதையை நான் எழுத வில்லை. காரணம் .நீங்கள் நூல் படிக்கும் போது சுவை குறைந்து விடும் என்பதற்காக .மரணம் வருவதற்கு முதல் நிமிடம் வரை வாழ்க்கையை மகிழ்வாகக் கழியுங்கள்.என்று போதிக்கும் நாவல் .வாழ்வியல் கருத்துக்களைப் போதிக்கும் நாவல் . அவ்வுலகக் கவலையை விட்டு இவ்வுலக வாழ்கையை செம்மையாக வாழுங்கள் என்று போதிக்கின்றது .நாவல் . இறந்தைக் கூட பலருக்கும் தகவல் தந்து சிரமப்படுத்த வேண்டாம் .அவர்கள் வந்து விட்டு குளிக்க வேண்டுமே என வருத்தப்படுவார்கள் .என்று நாவலில் பதிவு செய்துள்ளார் .போகிற போக்கில் பல்வேறு தகவல்களை எழுதிச் செல்கிறார் .சிறந்த நாவல் ஆசிரியர் என்பதை மீண்டும் நிருபித்துள்ளார் . குழந்தைகளுக்கு சொத்து சேர்த்து வைப்பதை விட அன்பு செலுத்துவதே முக்கியம் என்கிறார் .சிலர் பணம் ,பணம் என்று அலைந்து கொண்டு குழந்தைகளிடம் அன்பு செலுத்த மீண்டும் இல்லை .என்று சொல்லும் மனிதர்கள் இந்த நாவல் திருத்த வாய்ப்பு உண்டு .கடித இலக்கியம் நாவலில் உள்ளது. கேள்வி பதில் வடிவில் பல செய்திகள் உள்ளது .படித்து விட்டு தூக்கிப் போடும் சராசரி நாவல் அல்ல இது . படித்து விட்டு பாதுகாத்து ,நேரம் கிடைக்கும் போதெல்லாம் மறு வாசிப்பு செய்து நம்மை நாம் புதுப்பித்துக் கொள்ள உதவும் நாவல். ஆசிரியர் முனைவர் வெ. இறையன்பு அவர்களின் படைப்புகளில் ஆகச்சிறந்த படைப்பாக வந்துள்ளது பாராட்டுக்கள் . --

ஹைக்கூ நாற்பது – நூல் விமர்சனம்
ஹைக்கூ நாற்பது நூல் ஆசிரியர் கவிஞர் வண்ணை சிவா நூல் விமர்சனம் கவிஞர் இரா .இரவி இனியவை நாற்பது இன்னா நாற்பது படித்து இருக்கிறோம் .ஹைக்கூ நாற்பது நூலின் பெயரே புதுமையாக உள்ளது .கையடக்கப் பதிப்பாக வந்துள்ளது .சட்டைப் பையில் வைத்துக் கொள்ளலாம் .பேருந்தில் பயணிக்கும்போது படித்துக் கொள்ளலாம் .இந்நூல் என் வாழ்க்கைத் துணைவி லட்சுமிக்கு என்று பிரசுரம் செய்து மனிவியின் நேசத்தைப் பறை சாற்றி உள்ளார் .நூல் ஆசிரியர் கவிஞர் வண்ணை சிவா சுருங்கச் சொல்லி விளங்க வைத்தல் என்ற ஹைக்கூ இலக்கணப்படி சொற்ச்சிக்கனத்துடன் ஹைக்கூ கவிதைகள் வடித்து உள்ளார் .பொருத்தமான ஓவியங்கள் வசிபதர்க்கு சுவை கூட்டுகின்றன. . நிரம்பிய குளம் நீர் பருகும் பறவை கல்லெறியும் மனிதன் நீர் பருகும் பறவையை விரட்டும் விதமாக கல் எறிந்துப் பார்க்கும் மனிதனின் விலங்கு குணத்தை காட்சிப் படுத்தி வெற்றிப் பெறு கின்றார். நூல் ஆசிரியர் கவிஞர் வண்ணை சிவா . உள்ளிருப்புப் போராட்டம் கொத்தும் பறவைகள் கண்ணாடிக் கதவை கண்ணாடி என்பது அறியாது கொத்திப் பார்க்கும் பறவைகளைக் காட்சிப் படுத்துகின்றார் .இயற்கையைப் பாடுவதில் ஜப்பானியக் கவிஞர்களுக்கு சளைத்தவர்கள் அல்ல தமிழர்கள் என்று பறை சாற்றும் விதமாக பல ஹைக்கூ கவிதைகள் நூலில் உள்ளது . சமையலறைப் பாத்திரங்களுக்கிடையே ஒளிந்துக் கொண்டிருக்கிறது எனக்கானப் பசி எல்லோரையும் பசியாற்றும் இல்லத்தரசிகள் சாப்பிட்டார்களா ? என்று யாரும் கேட்பதில்லை .பசியை மறைத்து வைத்துக் கொண்டு, அடுத்தவர்கள் பசி போக்க சமைத்து வைக்கின்றனர் .பெண் அல்ல ஆண் என்று நினைத்தால் உணவு சமைக்கும் சமையல் காரர் பசியில் வாடுவதை காட்சிப் படுத்தி வெற்றி பெறுகின்றார் . கோடைக் காலம் வெயிலில் கருகும் இலையின் முகம் கோடைக் காலத்தில் மனிதர்கள் முகம் மட்டுமல்ல இலைகளின் முகம் வாடுகின்றது .என்பதை உணர்த்துகின்றார் . மழை நீரில் நனைந்தபடி கவிஞர் வீடு திரும்பல் கையில் குடை கவிஞருக்கு கவிதை குறித்த சிந்தனை காரணமாக கையில் குடை இருப்பதையே மறந்து மலையில் நனைந்து வருகிறார் .அல்லது மழையில் நனைய வேண்டும் என்ற ஆசையுடன் கையில் உள்ள குடையை விரித்துப் பிடிக்காமல் நனைந்து வருகிறார்.குடை பிடிப்பது மழைக்கான கறுப்புக் கொடி என்று நினைத்து குடையை விரித்துப் பிடிக்காமல் நனைந்து வருகிறார்.இப்படி ஒரே ஒரு ஹைக்கூ படுக்கும் வாசகர் மனதில் பல்வேறு சிந்தனைகளை உருவாக்கும் என்பதற்கு எடுத்துக் காட்டு இந்த ஹைக்கூ . நீண்ட மணற் பரப்பு காற்றுக் கடத்தும் மணலை ஆறு இருந்த இடம் ஆறு இருந்த இடத்தில அன்று மணல் இருந்தது தண்ணீர் இல்லை .என்று வருத்தப்பட்டுள்ளார் .ஆனால் இன்று ஆறுகளில் தண்ணீரும் இல்லை. மணல்களும் இல்லை .மணல்களை அரசியல்வாதிகள் கொள்ளை அடித்து வருகின்றனர் . குளிர்ந்த நிலா மழையில் நனைகிறது நிரம்பிய குளம் நிலா ,குளம் இவற்றை ஹைக்கூ கவிஞர்கள் விடுவதே இல்லை என்ற குற்றச்சாட்டு இருந்தாலும் ,ஒவ்வொரு கவிஞர்களும் ஒவ்வொரு விதமாக நிலவையும் ,குளத்தையும் பார்க்கின்றார்கள் என்பதே உண்மை .ஹைக்கூ நாற்பது வடித்த நூல் ஆசிரியர் கவிஞர் வண்ணை சிவா அவர்களுக்கு பாராட்டுக்கள் .

பாலை – நூல் விமர்சனம்
பாலை இயக்கம் ம .செந்தமிழன் தயாரிப்பு தி .இரவி திரைப்பட விமர்சனம் கவிஞர் இரா .இரவி செம்மை தயாரிப்பின் செம்மையான தயாரிப்பு .தமிழராகப் பிறந்ததற்காக ஒவ்வொரு தமிழன் பெருமை கொள்ள வேண்டும் என்பதை உணர்த்தும் உன்னதப் படைப்பு . தேசிய விருது வழங்குபவர்களுக்கு மனசாட்சி இருந்தால் ,தேசிய விருதுகள் இந்தப் படத்திற்கு உறுதியாக வழங்கப் பட வேண்டும் . 2000 ஆண்டுகளுக்கு முன்பாக படம் பார்பவர்களை இழுத்துச் சென்று வெற்றி பெறுகின்றார் இயக்குனர் ம .செந்தமிழன்.அவரது பெயருக்கு ஏற்றபடி செந்தமிழரின் வாழ்வியலை ,வாழ்க்கையை மிக நுட்பமாகப் பதிவு செய்துள்ளார் .பாராட்டுக்கள் .இதுப் போன்ற திரைப்படங்கள் வணிக ரீதியாக வெற்றி பெறாது .மக்களின் ரசனை மலிந்து விட்டது என்றே சொல்ல வேண்டும் .மசாலாப் படங்களுக்கு தரும் முக்கியதுவத்தை கலைப் படங்களுக்கு தருவது இல்லை .ஆறிவார்ந்த மக்களாவது அவசியம் பார்த்து படத்தை வெற்றிப் பெறச் செய்ய வேண்டும் .குறிப்பாக தமிழ் இன உணர்வாளர்கள் அனைவரும் அவசியம் பார்க்க வேண்டிய மிக நல்ல படம் . வந்தேறிகளால் விரட்டப்பட்டு சொந்த மண்ணை இழந்து அகதியான தமிழ் இனத்தின் வரலாற்றை விளக்கும் படம் .இதில் நடித்த அனைவரும் யாருமே நடிக்க வில்லை அந்தப் பாத்திரங்களில் பாத்திரமாகவே வாழ்ந்து உள்ளனர் .நம் கண் முன்னே காட்சி படுத்தி படம் முடிந்து வெளியே வந்த பிறகும் படத்தை மறக்க முடிய வில்லை .இதுதான் இயக்குனரின் வெற்றி .வசனம் மிக நன்றாக உள்ளது .இன்றைய தமிழ்த் திரை படங்களில் வருவதுப் போல தமிழ்க் கொலை இன்றி நல்ல தமிழில் பேசுகிறார்கள் .வசன உச்சரிப்பு ஈழ த்தமிழரை நினைப் படுத்துவதால் ,ஈழப் போராட்டம் படத்தில் குறியீடாக உள்ளதை படம் பார்க்கும் அனைவரும் உணரமுடிகின்றது .ஈழத்தில் விடுதலைக்காகப் போராடிய மக்களை படம் முழுவதும் நினைவுப் படுத்தும் விதமாகவே உள்ளது .முதிய கிழவியின் வீரம் , இளம் பெண்ணின் வீரம் ,சிறுவர்களின் வீரம் படம் நன்கு உணர்த்துகின்றது .வந்தேறிகளுக்கு மனிதாபிமானம் இருப்பதில்லை அவர்களிடம் நேர்மை, உண்மை எடுபடாது .முதுவன் கூறுகின்றார் ..முல்லைக்கொடி என்ற சொல்லே இலங்கை முல்லைத தீவை முள்வேலியை நினைப் படுத்துவதாக உள்ளது . சங்ககாலத்தில் படித்த குறிஞ்சி, முல்லை ,மருதம் ,நெய்தல், பாலை அய்ந்து வகை நிலம் பற்றிய பதிவு அருமை .பாலை என்றால் என்ன?முதுவன் விளக்கி கூறும் போது பஞ்சம் வந்து வாடி உன்ன உணவு இன்றி தாயிடம் கொடுக்கப் பால் இன்றி ,குடிக்க தண்ணீர் இன்றி தன் மகன் மண் தின்று, வயிறு வீங்கி இறந்த கொடுமை சொல்லும் போது வறுமையின் கொடுமையை உணர்த்துகின்றார் . பஞ்சத்தின் கொடுமையை அறிய முடிகின்றது . சிங்கம் புலி இரண்டும் பற்றிய ஒப்பீடு வசங்கள் மிக நன்று .சிங்கம் வசதியாக வாழ்வது பசி தாங்காது.ஆனால் புலி பசி தாங்கும், பதுங்கும் ,பாயும் ,வீழ்த்தும் தனித்து இருந்தாலும் எதிரியை தாக்கும் .. தலைவன் தலைவி விரும்புதல் ,சிரித்துப் பேசுதல் ,உடன்போக்கு செல்லுதல் கற்பு மணம் புரிதல்மற்றவர்கள் கையில் கிடைத்த மலர்களை கொடுத்து வாழ்த்துச் சொல்லுதல் .மழை வருமா ? என்று முன்கூ ட்டியே நாட்களில் வரும் என்று கணித்துச் சொல்லுதல் அதபடி மழை வருதல் தமிழனின் அறிவு நுட்பத்திற்கு சான்று .பல்வேறு நுட்பான வாழ்க்கை நிகழ்வுகளைக் காட்சிப் படுத்தி, சங்க கால தமிழர் வாழ்வைக் காட்டி வெற்றிப் பெறுகின்றார் இயக்குனர். அன்று அப்படி வாழ்ந்த தமிழன் இன்று கொலைவெறிப் பாடலையும் , வாடி வாடி க்யுட் பொண்டாட்டி பாடலையும் ரசிக்கும் அளவிற்கு தாழ்ந்து விட்டான் என என்னும் போது மனம் வருந்துகின்றது . வந்தேறிகள் சமாதானம் பேசப் போனவர்களில் ஒருவரை முதுகில் குத்திக் கொன்று விடுதல் ,ஒருவரைச் சிறைப் பிடித்தல் .சித்திரவதை செய்தல் .கண்ணில் அம்பு விடுதல் இப்படி ஒவ்வொரு காட்சிகளும் ஈழத்துக் கொடுமையை நினைவுப் படுத்துகின்றது . வந்தேறிகள் யானை எரியும் கல்லைத் துண்டில் கட்டி எறிந்து ,பெண்கள் ,முதியவர்கள், குழந்தைகள் எனத் தாக்கும் காட்சி ஈழத்தில் மக்கள் மீது கொடு வீசிய சிங்கள ராணுவத்தை நினைவுப் படுத்தியது .வந்து விழுந்த கல்களை எடுத்து வைத்து துண்டில் வைத்து திருப்பி எறிந்து தாக்குவது .காட்டில் தேள்களை மறைத்து வைத்து வந்தேரிகளைத் தாக்குவது ஈழத்து கண்ணி வெடியை நினைப் படுத்தியது . வந்தேறிகள் முல்லைக்கொடி மக்கள் தலைவனைத் தேடி அலைந்து கடைசி வரை பிடிக்க முடியவில்லை .படத்தில் இறுதியில் மக்கள் போராடி வந்தேறிகளை ஒழிக்கிறார்கள்.சொந்த மண்ணில் சுதந்திரமாக வாழ்கிறார்கள் .படித்தின் முடிவு போல ஈழத்தில் நம் சகோதரர்கள் சொந்த மண்ணில் சுதந்திரமாக வாழ வேண்டும் என்பதே உலகத் தமிழர்களின் ஆசையாகும் .தமிழர்களின் ஆசையைப் பூர்த்தி செய்யும் விதமாக திரைப்படம் உள்ளது படக் குழுவினர் அனைவருக்கும் பாராட்டுக்கள் .வாழ்த்துக்கள் படத்தில் நடிப்பு ,வசனம், பாடல் ,பின்னணி இசை ,ஒளிப்பதிவு என அனைத்தும் மிக அருமை . குத்துப் பாட்டு ,ஆபாசம் ,இரட்டை அர்த்த வசனம் ,நம்ப முடியாத காதில் பூ சுத்தும் கிராபிக் காட்சிகள் ,தமிங்கிலப் பாடல்கள் எனப் படம் எடுத்துப் பணம் சேர்த்து சமுதாயத்தை சீரழித்து வரும் நடிகர்கள் ,நடிகைகள் ,இயக்குனர்கள் ,தயாரிப்பாளர்கள் அனைவருக்கும் இந் -- நன்றி அன்புடன் கவிஞர் இரா .இரவி இறந்த பின்னும் இயற்கையை ரசிக்க கண் தானம் செய்வோம் !!!!!

போராளி – நூல் விமர்சனம்
போராளி இயக்கம் சமுத்திரக்கனி. தயாரிப்பு ,நடிப்பு இயக்குனர் சசிக்குமார் திரைப்பட விமர்சனம் கவிஞர் இரா .இரவி போராளி என்ற பெயரை பார்த்ததும் போராளிகள் கதையாக இருக்கும் என்று எதிர் பார்த்து சென்றேன் .ஆனால் இது மன நோயாளிகள் மீது அன்பு செலுத்துங்கள் என்று உணர்த்தும் கதை .வசனம் தன்னம்பிக்கை விதைப்பதாக உள்ளது .காட்சியில் பல இடங்களில் நகைச்சுவை உள்ளது .முதல் பாதி நகைச்சுவை.இரண்டாம் பாதி அடி தடி ,சமுத்திரக்கனி சசிக்குமார் வெற்றிக் கூட்டணி படம் என்றாலே ஓடுவதும் ,விரட்டுவதும் இல்லாமல் இருக்காது என்று மீண்டும் நிருபித்துள்ளனர். ஆபாசம் இல்லாமல் படத்தை இயக்கிய சமுத்திரக்கனிக்கும், தயாரித்த சசிக்குமாருக்கும் பாராட்டுக்கள் .பின்னணி இசை சிறப்பாக உள்ளது . மன நலம் நன்றாக இருப்பவர்களையும் சிலர் திட்டமிட்டு பைத்தியம் என்று ,வேண்டும் என்றே பட்டம் கட்டி வாழ்க்கையை சிதைப்பதை சித்தரித்து உள்ளனர். அதிகம் கேள்வி கேட்கும் சிறந்த அறிவுத்திறனையும் பைத்தியமாக இந்த உலகம் பார்க்கின்றது என்பதை படம் உணர்த்துகின்றது . சசிக்குமார் நடிப்பை பாராட்டலாம் .பாத்திரத்தில் நடித்த அனைவருமே நன்றாக நடித்து உள்ளனர் .கஞ்சா கருப்புக்கு நண்பர்களால் அவதிப்படும் வழக்கமான பாத்திரம்தான். முனைவர் கு .ஞானசம்பந்தன் வீட்டை வாடகைக்கு விட்டுள்ள வீட்டுக் காரராக வந்து வீட்டுக் காரியிடம் முடிவு நான்தான் எடுப்பேன் என்று அடிக்கடி சொல்லி நகைச்சவைத தருகின்றார் . சுவாதி நன்றாக நடித்து உள்ளார் .மெல்லிய காதல் உணர்வை நன்கு வெளிப் படுத்துகின்றார் .சசிக்குமார் நண்பராக வரும் அறிமுக நடிகர் மிகச் சிறப்பாக நடித்து உள்ளார் . சதையை நம்பாமல் கதையை நம்பி படம் எடுத்ததற்குப் பாராட்டலாம் .மசாலா இயக்குனர்கள் இது போன்றப் படங்களைப் பார்த்து திருந்த வேண்டும் . அடிக்கடி திருக்குறள் மூலம் செய்து சொல்வது சிறப்பு .வேலை கிடைக்க வில்லை இன்று முடங்கி விடாமல் கிடைக்கும் பெட்ரோல் பங்க வேலை பார்த்துக் கொண்டே பகுதி நேரமாக ,விளம்பரம் செய்து செல் மூலம் தொடர்பு கொள்ளச் செய்து வேண்டிய பொருள்களை வாங்கிக் கொடுத்து சம்பாதிக்கும், உழைக்கும் கருத்தை வலியுறுத்துவது சிறப்பு .மூளையே மூலதனம் என்ற வசனம் நன்று .உழைப்பை உணர்த்துகின்றனர் . முயன்றால் முடியாதது எதுவுமில்லை என்று உணர்த்துகின்றனர் . அப்பா இரண்டாவது மனைவியின் பேச்சை கேட்டு பைத்தியமாகி காணாமல் போன முதல் மனைவியின் மகனைப் படிக்க வைக்காமல் சாணி அள்ள வைத்து கொடுமைப் படுத்தி, பைத்திய முத்திரைக் குத்தி விடும் கேள்விப் பட்டப் பழைய கதை என்றாலும் ,இரக்கம் வரும் படி உயிரோட்டமாகப் படமாக்கிய இயக்குனரைப் பாராட்டலாம் . சுவாதி சிலோன் பரோட்டா வாங்கிவரச் சொன்னதும் .நமக்கு சிலோனே பிடிக்காது சிலோன் பரோட்டா வாங்கிச் சொல்றா என்ற வசனத்தை ,சிலோன் அரசைப் பிடிக்காது என்று சொல்லி இருக்கலாம்.இலங்கையில் நமது தொப்பிள்கொடி உறவுகள் சிங்கள அரசு படுகொலை செய்ததுபோககொஞ்சம் எஞ்சி உள்ளனர். அவர்கள் சுதந்திரமாக வாழ்வதற்கு இலங்கை நமக்குப் பிடிக்க வேண்டும் .அவர்களின் விடுதலைக்கு நாமும் உதவிட வேண்டும் .இலங்கை அரசின் கத்தரிக்கு இந்த வசனம் இரையாகி இருக்கும் அதன் காரணமாகவே இலங்கையில் வெளியிட மாட்டேன் .என்று பணத்தை விட உரிமையை பெரிதாக மதித்து குரல் கொடுத்த தயாரிப்பாளர் இயக்குனர் சசிக்குமாருக்குப் பாராட்டுக்கள் . கொலை வெறி என்ற ஒரே ஒரு தமிழ்ச் சொல்லை மட்டும் பயன் படுத்திவிட்டு ஆங்கிலச் சொற்களைப் போட்டு தமிங்கிலமாக்கி, தமிழ்க் கொலை புரிந்து தமிழ்ப் பாடல் என்று சொல்லி தமிழ்ப் படத்தில் வைத்து பெரிய சாதனைப் பாடல் என்று சொல்லிக் கொள்ளும் அவலம் தரும் படியான பாடல்கள் இந்தப் படத்தில் இல்லை அதற்காக இசை அமைப்பாளருக்கு நன்றி . இந்தப் படம் பார்த்து விட்டு வரும் போது தெருவில் கண்ணில் படும் மன நோயாளிகளுக்கு ஏதாவது செய்ய வேண்டும் என்ற உணர்வை மனிதநேயத்தை விதைத்து வெற்றிப் பெறுகின்றார் இயக்குனர் சமுத்திரக்கனி . ஆடு மேய்க்கும் பெண்ணை வீரம் மிக்கப் பெண்ணாகக் காட்டியது சிறப்பு .அவரும் மிக நன்றாக நடித்து உள்ளார் . அப்பா அம்மா எப்பொதும் சண்டைப் போட்டுக் கொண்டே இருந்தால் குழந்தை மனம் நோகும் என்பதையும் உணர்த்தி உள்ளனர் . மன நோயாளிகள் ஓவ்வருவருக்கும் பின்னே இருக்கும் சோகத்தை சதியை உணர்த்துகின்றது திரைப்படம் .படித்தவர்களை விட படிக்காதவர்களே உதவும் உள்ளத்துடன் மனித நேயத்துடன் வாழ்கிறார்கள் என்பதை படம் உணர்த்துகின்றது .திரைப்படம் சமுதாயத்தை நெறிப் படுத்தும் விதமாக மனித நேயம் விதைக்கும் விதமாக வர வேண்டும் .என்ற நமது ஆசையை பூர்த்தி செய்யும் விதமாக படம் உள்ளது .சண்டைக் காட்சி வன்முறை மட்டும் தவிர்த்து இருக்கலாம். இது போன்ற படங்கள் வெற்றிப் பெற்றால்தான் மசாலா இயக்குனர்களும் தயாரிப்பாளர்களும் திருந்துவார்கள் . -- நன்றி அன்புடன் கவிஞர் இரா .இரவி www.eraeravi.com www.kavimalar.com www.eraeravi.wordpress.com www.eraeravi.blogspot.com http://eluthu.com/user/index.php?user=eraeravi http://en.netlog.com/rraviravi/blog இறந்த பின்னும் இயற்கையை ரசிக்க கண் தானம் செய்வோம் !!!!!

வானம் வசப்படும் – நூல் விமர்சனம்
வானம் வசப்படும் நூல் ஆசிரியர் கவிஞர் தில் பாரதி நூல் விமர்சனம் கவிஞர் இரா .இரவி வானம் வசப்படும் என்ற நூலின் தலைப்பே தன்னம்பிக்கை விதைப்பதாக உள்ளது . நூல் ஆசிரியர் கவிஞர் தில் பாரதி மாற்றுத் திறனாளி .மிகச் சிறப்பாக ஹைக்கூ கவிதைகள் வடித்து உள்ளார் . கவிஞர்கள் புதுவைத் தமிழ் நெஞ்சன் ,கன்னிகோயில் ராஜா ,வசீகரன் ஆகியோரது அணிந்துரை நூலிற்கு அணி சேர்கின்றது . ஹைக்கூ வின் சிறப்பம்சம் மூன்றாவது வரியில் ஒரு முத்திரை இருக்கும் .வாசகர் எதிர்பார்க்காத திருப்பம் இருக்கும் . அழுதாள் அணைத்தேன் இறந்தது மெழுகுவர்த்தி எங்கும் எதிலும் கலப்படம் உள்ளது என்ற அவலத்தைச் சாடிடும் ஹைக்கூ. விசம் சாப்பிட்டான் ஏமாந்தான் கலப்படம் மற்ற கலப்படம் உடலுக்குக் கேடு .ஆனால் இந்த விசத்தின் கலப்படம் ஒரு உயிரைக் காப்பாற்றி விட்டது என்று சந்தோசப்படலாம் . மொய் செய்தல் சீர் செய்தல் இதன் காரணமாக பல சிரமங்கள் நடுத்தரக் குடும்பங்களுக்கு .இதனை உணர்த்திடும் ஹைக்கூ. காது குத்தியாச்சு வலித்தது மாமனுக்கு சீர் செலவு ஜப்பானிய ஹைக்கூ கவிஞர்களைப் போல காட்சிப் படுத்தும் ஹைக்கூ வடித்துள்ளார் . நிலாவில் கால் வைத்தான் அம்மணச் சிறுவன் தேங்கிய மழை நீர் உழைப்பவர்கள் யாவரும் துன்பத்தில் வாடுகின்றனர் .அவர்களின் வாழ்வில் விடியல் விளைய வில்லை என்பதை உணர்த்திடும் ஹைக்கூ. வெளுத்துப் போட்டவனுக்கு அழுக்குச் சட்டை சலவைத் தொழிலாளி வரதட்சணைக் கொடுமையை குறிப்பாக பெண்ணைப் பெற்றோர் படும் துன்பங்களை மிக நுட்பமாகப் பதிவு செய்துள்ளார் .ஹைக்கூ கவிதைகளுக்கு சொற்களில் சிக்கனம் அவசியம் ..அந்த வகையில் படைத்துள்ள ஹைக்கூ . இதோ! சொந்த வீடு வாடகையானது மகளுக்கு திருமணம் மனிதாபிமானம் இன்றி மனிதர்கள் கவனிக்காமல் உள்ள பிணத்தைப் பற்றி ஒரு ஹைக்கூ வடித்துள்ளார் . அனாதைப்பிணம் துக்கம் விசாரித்தன ஈக்கள் மின்தடை காரணமாக மக்கள் மிகவும் வேதனை அடைந்து வருகிறார்கள் .ஆட்சி மாறினாலும் காட்சி மாறவில்லை என்ற வேதனையில் உள்ளனர் .மின்தடையைக் கூட நேர்மறையாகச் சிந்திக்கிறார் . முதல் இரவு மின்தடை சரியான சகுனம் கிராமங்களில் மிகவும் பாசமாக ஆடு வளர்ப்பார்கள் அதுவும் கடவுளுக்கு நேர்ந்து விட்ட ஆடு என்றால் மிகச் செல்லமாக வளர்ப்பார்கள் .பக்கத்துக்கு நிலத்தில் மேய்ந்தாலும் அடிக்காமல் விரட்டுவார்கள் .அதனையும் பார்த்து ஒரு ஹைக்கூ வடித்துள்ளார். நம்ப வைத்து கழுதறுத்தான் நேர்ந்து விட்ட ஆடு கூ ட்டுக்குடும்பத்திற்கு பெயர் பெற்ற நமது நாட்டில்தான் முதியோர்இல்லங்கள் பெருகி வருகின்றன .வேதனையான முதியோர்இல்லங்களையும் நேர்மறையாகவே பார்கிறார் நூல் ஆசிரியர் கவிஞர் தில் பாரதி. தெய்வங்கள் எல்லாம் ஒரே இடத்தில முதியோர்இல்லம் நூல் ஆசிரியர் கவிஞர் தில் பாரதி மூடநம்பிக்கையையும் சாடி உள்ளார் . விபத்து துண்டானது ராசிக்கல் விரல் வாழ்த்துக்கள் தொடந்து எழுதுங்கள். நூல் ஆசிரியர் கவிஞர் தில் பாரதி செல் 9095989658

ஒரு கதவும் கொஞ்சம் கள்ளிப்பாலும் – நூல் விமர்சனம்
ஒரு கதவும் கொஞ்சம் கள்ளிப்பாலும் நூல் ஆசிரியர் கவிஞர் தாமரை விமர்சனம் கவிஞர் இரா .இரவி ஈழத்தமிழர் படுகொலைக்கு ஈர மனதுடன் தொடர்ந்து துணிவுடன் குரல் கொடுத்தவர் .கவிதை எழுதுவதோடு மற்ற கவிஞர்கள் போல நின்று விடாமல் கவிதையாக வல்ல்ந்து வருபவர் நூல் ஆசிரியர் கவிஞர் தாமரை.முதல் கவிதை நூல் இது .இந்த கவிதை நூல்தான் திரைப்பட பாடல் ஆசிரியர் ஆவதற்கு அடித்தளமாக இருந்து உள்ளது .இயக்குனர் இமயம் பாரதி ராஜா ,கவிக்கோ அப்துல் ரகுமான் ஆகியோரின் அணிந்துரை அற்புதமாக உள்ளது . பரிசுப்பெற்ற கவிதைகள் பல் வேறு இதழ்களில் பிரசுரமான கவிதைகளைத் தொகுத்து நூலாக்கி உள்ளார் .ஆணாதிக்க திரைப்பட உலகில் நல்ல பல காதல் பாடல்கள் எழுதி தனக்கென தனி இடம் பிடித்துள்ளார் .பெண்ணுரிமைக் குரலாக ஒலித்துள்ளார் . காதல் உணர்வுக் கவிதை ஊறுகாய் போல உள்ளது .சமுதாய விழிப்புணர்வுக் கவிதைகள் சோறுப் போல உள்ளது .பாராட்டுக்கள் காதலின் சுவடுகள் வலி பார்த்ததும் விழி பூத்ததும் உயிர் போனதும் உடல் வாழ்வதும் நேற்றுதான் நிகழ்ந்ததாய் நெஞ்சிலே வேகுதே ! சிறுமியாக இருந்தபோது திருவிழாவில் தொலைந்து போது குடும்பமே பதறியது திருமணமாகி சுயம் இழந்து தொலைந்த போது யாருமே தேடவில்லை என்ற ஒப்பீட்டுக் கவிதை மிக நன்று . தொலைந்து போனேன் ! என் பெயரே மறந்து போனேன் -என் மணவிழாவில் நான் தொலைந்து போனேன் ஆனால் யாரும் என்னைத் தேடவில்லை ! கவிதையில் கடைசி வரியில் முத்தாய்ப்பாக முடிப்பது தனிக் கலை .கவிஞர் தாமரைக்கு அந்தக் கலை நன்றாக வந்துள்ளது . வாழ்க்கைப் பிரச்சனை ! அந்த மழை நாள் இரவை எங்களால் மறக்க முடியவில்லை அன்றுதான் அப்பா எங்களுடன் இருந்தார் அம்சவேணி வீட்டுக்குப் போகாமல் ! கற்பில் சிறந்தவள் கண்ணகியா ?மாதவியா ?என்று கவிதைப் பட்டிமன்றம் நடத்தி அதில் கவிஞர் தாமரை சொல்லியுள்ள தீர்ப்பு மிக சிறப்பு .புதிய சிந்தனை . நெற்றிப் பொட்டில் அடித்தாற் போன்ற தீர்ப்பு இது .இதோ ! அமைதியாய்க் கேட்ட நடுவர் அழுத்தமாய்ச் சொனார் தீர்ப்பு ... சந்தேகமே இல்லை இருவருமே கற்பில் சிறந்தவர்கள்தாம் .. கற்பிழ ந்தவன் கோவலனே ! கற்பை இருபாலருக்கும் பொதுவில் வைப்போம் என்ற கருத்தை வழி மொழிவது போலகவிதை உள்ளது .கற்பு என்ற சொல்லே ஆணாதிக்க வாதிகளால் கற்பிக்கப் பட்டக் கற்பனைச் சொல் .என்னை பொறுத்தவரை ஒழுக்கம் என்ற சொல்லே பொருத்தம் . தேநீர் விருந்து கவிதையில் சுத்தம் செய்யும் தொழிலாளியின் சிரமத்தை ,ஏழ்மையை கவிதையில் காட்சிப் படுத்தி உள்ளார் . ஒட்டடை யார் அடிப்பது மனசின் ஒட்டடை ? கவிதையின் கடைசி வரியின் மூலம் மனிதர்களின் மன அழுக்கைப் படம் பிடித்துக் காட்டு கின்றார் . நரை என்பது எல்லோருக்கும் வரக் கூடிய பிரச்னை .அதனை எள்ளல் சுவையுடன் கவிதையில் உணர்த்துகின்றார் . முதல் நரை அந்த முதல் நரைக்கு அஞ்சி மொட்டையடித்துக் கொண்டேன் . ஆனால் இன்று பலரும் மொட்டை அடிப்பதில்லை கருப்ப்பு வண்ணம் பூசி இளமையாகக் காட்சி தருகின்றனர் . மயிலிறகைக் காணவில்லை கவிதையில் குழந்தையின் மனதைப் படம் பிடித்துக் காட்டுகின்றார் . தமிழீழம் மலர்ந்ததின்று தமிழீழம் மலர்ந்ததின்று கண்ணில் கண்ட யார்க்கும் தடையின்றிப் பூங்காற்று சேதி கொண்டு சேர்க்கும் . கவிஞரின் ஆசை ஒரு நாள் நிறைவேறும் .ஈழத்தமிழரின் வாழ்வில் விடியல் விளையும் என்ற நம்பிக்கை எனக்கு உண்டு . தீலிபா! உயிருக்கு நீ தந்த மரியாதை உலகத்தின் வரலாற்றில் வேறெவனும் தந்ததில்லை சாவையும் வாழ்ந்தவன் நீ மட்டுமே ! தமிழன் தலை இனி நிமிர்ந்தே இருக்கும் காலுக்குக் கீழே வேராய் நீ உறைந்து விட்டதால் ! இந்தக் கவிதையின் மூலம் உண்ணா விரதம் இருந்தே உயிர் துறந்த தீலிபனைக் காட்சிப் படுத்தி உள்ளார் .இன்று அரசியல்வாதிகள் உண்ணா விரதத்தையே கேலிக் கூத்தாக்கி விட்டனர் . நாம் அடிக்கடி கேட்டுப் பழகிய சொற்களை வைத்து ஆணாதிக்க சமுதாயத்தின் கன்னத்தில் அறையும் வண்ணம் ஒரு கவிதை . எதிர்வினை ! கொலையும் செய்வாள் பத்தினி. கொஞ்சம் இரு முன்னதாக நீ என்ன செய்தாய் ? கவிஞர் தாமரை கவிதை நூல்களை தொடர்ந்து வெளியிடுங்கள் .என்ற என் வாழ்த்தை எழுதி முடிக்கின்றேன்.

மேடைப் பயணங்கள் – நூல் விமர்சனம்
மேடைப் பயணங்கள் நூல் ஆசிரியர் முனைவர் கு .ஞானசம்பந்தன் நூல் விமர்சனம் கவிஞர் இரா .இரவி அமுதம் பதிப்பகம் ,155.டெபுடி கலெக்டர் காலனி , வது தெரு ,கே .கே .நகர் ,மதுரை .20. விலை ரூ 120 சில ஓவியங்களைப் பார்த்தால் வரைந்த ஓவியரின் பெயரைக் கூறி விடலாம் .குறிப்பாக ஓவியர் அரஸ் அவர்களின் ஓவியத்தை பார்த்தவுடன் யாரும் சொல்லி விடலாம் .அந்த அளவிற்கு தனித்துவமான ஓவியம் வரைவதில் வல்லவர் ஓவியர் அரஸ்.நூலின் முகப்பில் நூல் ஆசிரியர் முனைவர் கு .ஞானசம்பந்தன் ஓவியத்தை மிகச் சிறப்பாக வரைந்துள்ளார். பாராட்டுக்கள் . பாக்கியம் ராமசாமி அவர்களின் அணிந்துரை நூலிற்கு மகுடமாக உள்ளது. எல்லோரும் படிக்க வேண்டிய அற்புத நூல் .குறிப்பாக பேச்சாளர் ஆக விருப்பம் உள்ளவர்கள் அவசியம் படிக்க வேண்டிய நூல். நூல் ஆசிரியர் முனைவர் கு .ஞானசம்பந்தன் கடந்து வந்த பாதையை முதல் மேடை தொடங்கி இன்றுவரை சந்தித்த அனுபவங்களை மலரும் நினைவுகளை மறக்காமல் பதிவு செய்துள்ள நூல் .நகைச் சுவை உணர்வுடன் நூலை எழுதியுள்ளார் .நூலைப் படித்து முடித்தவுடன் முழு நீள நகைச் சுவை திரைப்படம் பார்த்த உணர்வு வருகின்றது .அதுதான் நூலின் வெற்றி. பேச்சாளர் எப்படி நடந்து கொள்ள வேண்டும் என்று விளக்கும் விளக்காக நூல் உள்ளது . நீங்கள் நம்ப மாட்டீர்கள் ,நான் பேசிய முதல் வார்த்தைக்கே கைதட்டு வாங்கினேன் .1 1/2 வயது நான் பேசிய முதல் வார்த்தை அம்மா கைதட்டியதுயார் தெரியுமா ? என் அம்மா ,என் குடும்பத்தாரும்தான் என்று நான் வேடிக்கையாகப் பதில் சொன்னேன் . இப்படி நகைச் சுவை உணர்வுடன் நூல் முழுவதும் மிக எளிய இனிய நடையில் நூல் எழுதியுள்ளார் . பள்ளியில் படித்தபோது முதல் மேடையில் தன பெயரையே சொல்ல மறந்த அனுபவத்தை மறைக்காமல் பதிவு செய்துள்ளார் . நூல் ஆசிரியரின் நேர்மையைப் பாராட்ட வேண்டும் .பக்தியை விட தொண்டே சிறந்தது என்று மாணவனாக இருந்தபோதே பேசிப் பாராட்டுப் பெற்றது .இப்படிப் பல நிகழ்வுகளை சுவைபட நூலில் எழுதி உள்ளார் .மறைந்த குன்றக்குடி அடிகளார் நடுவராக இருந்தபோது ,தரமான பட்டிமன்றங்களின் பொற்க்காலம் என்றே சொல்ல வேண்டும் .நூல் ஆசிரியர் ,குன்றக்குடி அடிகளார் பட்டிமன்றங்களை தேடித் தேடி ,ஓடி ஓடி பயணித்து கேட்டு ரசித்த அனுபவங்களை நன்கு பதிவு செய்துள்ளார் .இன்று புகழ் பெற்றப் பேச்சாளராக விளங்குவதற்கு அந்த அனுபவம்தான் உரமாக அமைந்தது என்பதை உணர்த்துகின்றார் . பார்வையாளராக இருந்தவர் பேச்சாளராக மாறி மறைந்த குன்றக்குடி அடிகளார் தலைமையில் வழக்காடு மன்றத்தில் வழக்குத் தொடுப்பவராகவும், வழக்கை மறுப்பவராகவும் இரட்டை வேடம் இட்டு, மதுரையை எரித்த கண்ணகி குற்றவாளி என்றும் மதுரையை எரித்த கண்ணகி குற்றவாளி அல்ல என்றும் ,வாதாடிய அனுபவம்தான் சிறந்த பேச்சாளர் ஆவதற்கு உதவியதைஎன்பதை உணர்த்துகின்றார் . சிறு வயதில் அப்பா கேட்டுக் கொண்டதனால் மார்கழி மாதம் திருப்பாவை வகுப்பு எடுத்த அனுபவம் பின்னாளில் பேராசிரியர் பணிக்கும் ,பேச்சுத் துறைக்கும் உதவியாக இருந்தது என்பதை நூலில் பதிவு செய்துள்ளார் . ரசித்துச் சிரிக்க கூடிய நல்ல பல நகைச் சுவை நூலில் உள்ளது .மிருகக் காட்சி சாலை சென்றபொழுது நீர் யானை நீர் ... யானை என்று பேசிய சொல் விளையாட்டை தமிழின் சிறப்பை நன்கு எழுதி உள்ளார் . பட்டிமன்றம் பேச காரில் சென்றவர்களை ஊர் மக்கள் அனைவரும் வந்து வரவேற்பது கண்டு வியந்து பார்த்தபோது .அவர்கள் புது திரைப்படத்தின் படப் பெட்டி வருவதாக நினைத்து ,வந்து வரவேற்று ஏமாந்து ,படப் பெட்டி வரும் வரை பட்டிமன்றம் பேசுங்கள் என்று சொன்ன நிகழ்வை நூலில் விளக்கி உள்ளார் . மேடையில் பேசுகின்ற பெருமக்கள் சில உயர்ந்த குறிக் கோள்களைக் உடையவர்களாக இருக்க வேண்டும் .பேசுகிறபோது கீழான சொற்களையோ ,வேறு பொருள் தரும்படியான வார்த்தைகளையோ ,பிறர் மனம் புண்படும் படியான செய்திகளையோ ஒரு போதும் கூறக் கூடாது .என எங்கள் பேராசிரியர் சொல்லிக் கொண்டே இருப்பார் என்று நூல் ஆசிரியர் பதிவு செய்துள்ளார் .இந்த வைர வரிகளை ஒவ்வொரு பேச்சாளர்களும் கவனத்தில் கொள்ள வேண்டும் . தோற்றத்தை வைத்து யாரையும் எளிதாக எண்ணி விடாதீர்கள் என்று எச்சரிக்கைத் தரும் நிகழ்வு நூலில் உள்ளது . வளர்ச்சிக்கு அடிப்படை முயற்சி +பயிற்சி =வளர்ச்சி கட்டுரையின் தலைப்புகளே தன்னம்பிக்கை விதைக்கும் விதமாக உள்ளது. மதுரையில் மீனாட்சி மருத்துவமனையில் நகைச் சுவை மன்றம் தொடங்கி 20ஆண்டுகளாக வெற்றிகரமாக நடந்து வருவதற்குக் காரணமான மருத்துவர் ந .சேதுராமன் அவர்களைப் பற்றி நூலில் குறிப்பிட்டுள்ளார் . இன்றைய தொலைகாட்சி புகழ் பேச்சாளர்கள் பலரும் மதுரை நகைச் சுவை மன்றத்தில் பேசிப் பயிற்சி பெற்றவர்கள் என்ற உண்மையைப் பதிவு செய்துள்ளார். பாம்புப் புற்றின் மீது மேடை அமைத்தது தெரியாமல் பட்டி மன்றம் பேசிய திகில் அனுபவங்கள் சுவையாக உள்ளது . திரைப்படம் போல ஒரு பாடல் காட்சி நேரத்தில் வெற்றி பெற்று விட முடியாது .தான் இந்த நிலைக்கு வர பட்ட கஷ்டங்கள் ,பயணித்த பயணங்கள் ,சந்தித்த அவமானங்கள் ,பெற்றப் பயிற்சி ,சந்தித்த மனிதர்கள் என அனைத்தையும் சுவைபட எழுதி உள்ளார் .பாராட்டுக்கள் .சிறந்த பேச்சாளர் மட்டுமல்ல சிறந்த எழுத்தாளர் என்பதை பறைசாற்றும் விதமாக நூல் உள்ளது .


Jeeva Puthakalayam

Information/Help

Customer Care

Follow us

About Us

Contact Us

Terms and Conditions Tamil books blog

Link to Us

Frequently Asked Questions(FAQ)

How to buy tamil books online?

Tamil books online shopping - Top sellers

Free Tamil E-Books for download

Tamil books tags

Tamil book news

Tamil book Reviews

Tamil book Release

Help Desk: Customercare

email : Write to us ccare@noolulagam.com

Phone : Call us +91-7667-172-172

Mail or Dial/Call us to buy tamil books online and for Cash on Delivery (VPP) orders

Give Feedback



support