புத்தக வெளியீடு (Book Release)

10வது – ஈரோடு புத்தகத் திருவிழா ஆகஸ்ட் 1 ஆம் தேதி முதல் 12 வரை
2014 ஆகஸ்ட் 1 முதல் 12 வரை நடைபெற உள்ள ஈரோடு புத்தகத் திருவிழா 2014ன் போது "எதிர் வெளியீடு" வெளியிட உள்ள புத்தக வெளியீடுகளின் பட்டியலை  இத்துடன் இணைக்கப்பட்டுள்ளது.

பாகிஸ்தான் இந்து கோயில்கள்: புத்தகம் வெளியிட்ட பெண் எழுத்தாளர் ரீமா அப்பாசி
டெல்லி: பாகிஸ்தானிலுள்ள இந்து கோயில்கள் குறித்த புகைப்பட ஆதாரங்களுடன் கூடிய புத்தகத்தை அந்த நாட்டு பெண் எழுத்தாளர் ரீமா அப்பாசி டெல்லியில் வெளியிட்டார். இந்தியாவும், பாகிஸ்தானும், சுதந்திரத்துக்கு முன்பாக ஒரே நாடாக இருந்தபோது இந்து கோயில்கள் பல தற்போதைய பாகிஸ்தான் நிலப்பரப்பில் கட்டப்பட்டிருந்தன. பல நூறு ஆண்டுகாலத்துக்கு முன்பிருந்தே அங்கு கோயில்கள் இருந்துள்ளன.

மேலும் படிக்க...


கவிஞர் கோ.அருண் முல்லையின் “மங்கலதேவிக் கோட்டம்” காவிய நூல் வெளியீட்டு விழா

சிங்கப்பூர் : கவிஞர் கோ.அருண் முல்லையின் "மங்கலதேவிக் கோட்டம்" காவிய நூல் வெளியீட்டு விழாவினை சிங்கப்பூர்த் தமிழ் இலக்கியக் களம் ஜூலை 13ம் தேதி மிகச் சிறப்பாக நடத்தியது. சிங்கப்பூர் தேசிய நூலக வளாக அரங்கில் கவிஞர் சுப.சத்தியமூர்த்தியின் தமிழ் வாழ்த்துப் பாடலுடன் விழா துவங்கியது. தேசியப் பல்கலைக்கழக சிறப்பு ஆய்வு ஆலோசகர் அருண்மகிழ்நன் தலைமை ஏற்றார்.

மேலும் படிக்க...


ராசேந்திர சோழன் ஆயிரமாவது ஆண்டு விழா மலர் மற்றும் கரந்தை செப்பேடுகள் ஆகிய நூல் வெளியீட்டு விழா

மாமன்னன் ராசேந்திர சோழன் அரியணை ஏறிய ஆயிரமாவது ஆண்டு விழா வியாழன், வெள்ளி இரு நாள்கள் நடைபெற்றது.

இதுகுறித்து விழா ஒருங்கிணைப்பாளர் இரா. கோமகன் தெரிவித்துள்ளது:

விழாவையொட்டி, வியாழக்கிழமை காலை கங்கைகொண்டசோழபுரம் அருகே உள்ள குருவாலப்பர்கோவில் மீரா மஹாலில் காலை 9.30 மணிக்கு கருத்தரங்கம், 10 மணிக்கு ராசேந்திர சோழன் அரியணை ஏறிய ஆயிரமாவது ஆண்டு விழா மலர் மற்றும் கரந்தை செப்பேடுகள் ஆகிய நூல் வெளியீட்டு விழா நடைபெற்றது.

தொடர்ந்து மாலையில், நாகஸ்வர இசை நிகழ்ச்சி, நாட்டியாஞ்சலி மற்றும் இசைமுழக்க நிகழ்ச்சிகள் நடைபெற்றது.

2-ம் நாளான வெள்ளிக்கிழமை கங்கைகொண்டசோழபுரம் பிரகதீஸ்வரருக்கு மகாபிஷேகமும், ஆராதனையும் அதைத்தொடர்ந்து, அன்னதானமும் நடைபெறுகிறது. மாலையில் ஆயிரமாவது ஆண்டை குறிக்கும் வகையில், தஞ்சையில் இருந்து தொடர் ஓட்டமாக தீபச்சுடர் கொண்டுவரப்பட்டு, கோவிலைச் சுற்றி ஆயிரம் தீபங்கள் ஏற்றப்படுகிறது. மாலை 6 மணியளவில் கங்கைகொண்டசோழபுரம் ராசேந்திரசோழன் அரங்கில் மாமன்னன் ராசேந்திர சோழனின் பன்முக சாதனைகள் என்ற தலைப்பில் வரலாற்று உரை மற்றும் அஞ்சல்தலை வெளியீட்டு விழா நடைபெற்றது


ஒரு நட்சத்திரத்தின் நம்பமுடியாத தோற்றம் – மோடியின் வாழ்க்கை வரலாறு சீன மொழியில் வெளியீடு
டில்லி:  பிரதமர் மோடியின் வாழ்க்கையில் நடந்த முக்கிய சம்பவங்கள் அடங்கிய, வாழ்க்கை வரலாற்று புத்தகம், சீன மொழியில் வெளியாகியுள்ளது.பா.ஜ., எம்.பி.,யும், பத்திரிகையாளருமான, தருண் விஜய் எழுதிய, மோடியின் வாழ்க்கை வரலாற்றுப் புத்தகம், சீனாவில் உள்ள சிசுவான் பல்கலையின், தெற்காசிய கல்வித் துறை சார்பில் வெளியிடப்பட்டுள்ளது. 'சீன மொழியில் வெளியாகியுள்ள இந்த புத்தகம், மோடியைப் பற்றியும், இந்தியாவைப் பற்றியும், சீனர்கள் அறிய மிகவும் பயனுள்ளதாக இருக்கும்' என, தருண் விஜய் தெரிவித்துள்ளார்.

இந்தியாவின் புனித தாவரங்கள் நூல் வெளியீட்டு விழா சென்னையில் சனிக்கிழமை (ஜூலை 12) நடைபெற்றது.

நாடு முழுவதும் நாள் ஒன்றுக்கு 30 ஆயிரம் ஏக்கர் மரங்கள் அழிக்கப்படுகின்றன என மத்திய பெண்கள் மற்றும் குழந்தைகள் மேம்பாட்டு அமைச்சர் மேனகா காந்தி தெரிவித்தார்.

சி.பி.ஆர். சுற்றுச்சூழல் கல்வி மையம் மற்றும் மெட்ராஸ் புத்தக கிளப்பின் சார்பில் சேக்ரட் பிளான்ட்ஸ் ஆஃப் இந்தியா (இந்தியாவின் புனித தாவரங்கள்) நூல் வெளியீட்டு விழா சென்னையில் சனிக்கிழமை (ஜூலை 12) நடைபெற்றது.

நிகழ்ச்சியில் மத்திய அமைச்சர் மேனகா காந்தி பேசியது:

மேலும் படிக்க...


ஷெல்ஸ் ஆர் பியர்ல்ஸ் புத்தக வெளியீட்டு விழா
கோவை : கோவை ஆர்.எஸ்.புரம் பாரதிய வித்யா பவனில், இசைத்துறை வல்லுனர் வைத்தியநாத கிருஷ்ணன் எழுதிய 'ஷெல்ஸ் ஆர் பியர்ல்ஸ்' புத்தக வெளியீட்டு விழா வெள்ளிக்கிழமை 19.07.2014 அன்று மாலை நடந்தது. ஆனைக்கட்டி ஆர்ஷ வித்யா குருகுலம் பூஜ்யஸ்ரீ தயானந்த சரஸ்வதி சுவாமிகள் புத்தகத்தை வெளியிட்டு பேசுகையில், ''இசையை ரசிக்காதவர்கள் யாரும் இல்லை. அனைவரும் இசையை ரசித்துக் கொண்டிருக்கிறோம். இசைத் துறையில் இருப்பவர்கள், அதில் உள்ள நுணுக்கங்களை ஆழமாக கற்றுக் கொண்டு அதற்கேற்ப பயிற்சி மேற்கொள்ள வேண்டும்,'' என்றார்.நிகழ்ச்சியில்,அமெரிக்க வாழ் இந்திய இளைஞர்களின் இசைக்கச்சேரி, பார்வையாளர்களை கவர்ந்தது. பாரதிய வித்யாபவன் தலைவர் கிருஷ்ணராஜ் வாணவராயர், அமெரிக்காவின் கிளீவ்லேண்ட் மாகாணத்தில் தியாகராஜர் ஆராதனை நடத்தி வரும் சுந்தரம், நாகசுப்ரமணியம் உட்பட பலர் பங்கேற்றனர்.

ஜெயகாந்தன் 80-ம் பிறந்த நாள் மற்றும் ஜெயகாந்தன் கதைகள் நூல் வெளியீட்டு விழா

மங்கலதேவிக் கோட்டம் நூல் அறிமுகம்
மங்கலதேவிக் கோட்டம் நூல் அறிமுகம் காப்பிய ஆக்கம்; சிங்கப்புரம்( சிங்கப்பூர்) கோ.அருண்முல்லை. நூல் அறிமுகநாள்': சூலைத்திங்கள் -2014 இடம்: சிங்கப்பூர் தமிழ்ச்சங்க கட்டிடம். பூம்புகார், கடலில் மூழ்கிவிட்டது கலாச்சார அடையாளம் யாவும் அதில் தொலைந்துபோனது என்று எவ்வளவு காலந்தான் சொல்லிக்கொண்டிருப்பது? அதை ஆய்வு செய்தால் என்னவெல்லாம் நிகழும் என்ற கற்பனையே இந்தக் காப்பியம். சிலப்பதிகாரத்தில் இளங்கோவடிகள் சிறப்பித்த பூம்புகார் காட்சியை காட்சியை இன்றும் கண்டார்கள் என்பதாகக் கற்பனை செய்து அதைக் காப்பியமாக வடித்ரிருக்கிறார். சேரன் செங்குட்டுவன் கண்ணகிக்கு கோவில் எழுப்பிச் சிறப்பித்தான் என்பது வரலாறு.இன்று தங்களுடையது அதில் தமிழர்கள் வழிபாடு செய்ய வரக்கூடாது என்று கேரள நண்பர்கள் நம்மை தடுத்துக் கொண்டிருக்கின்றனர். மீண்டும் அதே இடத்தில் கோவிலை புதுப்பித்துக் கட்டுவதாக இக்காப்பியத்தை முடித்திருக்கிறார். இந்தக் கற்பனை உண்மையாக வேண்டும் என்பதே அவரது உள்ளக்கிடக்கையாக இக்காப்பியம் விவரிக்கின்றது. இக்காப்பியத்தில் கதைத் தலைவியாக வருபவள் கேத்தரின் என்கிற ஓர் அய்ரோப்பிய வெள்ளைக்காரி. ஏனெனில் இதுவரை நம் பெருமை அயலவர் சொல்லித்தான் நமக்குத் தெரிகிறது. உள்ளூர்காரன் மெனக்கெடவும் மாட்டான் அவன் ஆய்வை ஏற்றுக் கொள்ளவும் மாட்டார்கள். இக்காப்பியம், கடலில் மூழ்கிய பூம்புகாரை ஆய்வு செய்வதாகக் காட்டுவது தானேத்தவிர சிலப்பதிகாரக் காப்பியத்தைக் குறிப்பதல்ல. இக்காலத்தில் நிலவும் அரசியல், மக்கள் ஒழுக்கம்,நீதி இவற்றை கண்ண்டால் சதுக்கப்பூதம் என்ன செய்யும் என்ற கற்பனையே என்ற கற்பனையே தன்னை இவ்வாறு எழுதத் தூண்டியதாக விவரிக்கிறார். மாரியம்மன் என நாம் வழிபடும் கிராமத்தேவதைகள் அனைத்துமே ஒருகாலத்தில் கண்ணகித் தெந்வமாக வழிபட்டு வந்தவையே என்றும் அதில் மகாபாரம் படித்து அதைத் துரோபதை அம்மனாக்க் காட்டுவதும் ஏமாற்று வேலையே என தனது ஆராய்ச்சியை நிறுவுகிறார். சலம் திரட்டுதல், சிலம்பெடுத்து ஆடிவரல், தீ மிதித்தல் போன்றவை கண்ணகியோடு தொடர்புடையவையே! அரவான் சிலை எனப்படுவது உண்மையில் சதுக்கப்பூதமே! அம்மன் சிலைக்கு முன்னால் ரேணுகை தலையெனப்படுவது கோவலன் தலையே! எனவும் நிறுவுகிறார். கடந்த காலங்களில் இப்படி நடந்தது, என்பது வரலாறு. மாற்ற முடியாது. நிகழ்காலத்தில் இப்படி நடந்து கொண்டிருக்கிறது. என்பது நேரடிக் காட்சி மாற்ற முடிவது. ஆயினும் இப்படித்தான் நடந்து பின் திரிக்கப்பட்டிருக்கலாம் என்பதைக் காட்சிகளின் முரண்பாடுகளை வைத்துக் கண்டுபிடித்து அவற்றை மக்கள் மத்தியில் வெளிச்தமிட்டுக் காட்டி நெறிப்படுத்துவதில் தவறில்லை, அதனால் இப்படித்தான் நடந்திருக்கும் என்ற அவரது ஆசையின் வெளிப்பாடே இக்காப்பியம். நாத்திகவாதியான இவருக்கு முற்பிறவி, இப்பிறவி, மறுபிறவி என்பதில் உடன்பாடில்லாத போதிலும் இக்காப்பியத்தில் வரும் கேத்தரின் என்ற வெள்ளைக்கார மாது கதைத்தலைவியாக வருபவள் இவள் முற்பிறவியில் கவுந்தியடிகளாக இருந்தவள் என நிறுவிச் செல்கிறார். ஒருத்தனுக்கு ஒருத்தி என்ற கடப்பாட்டுடன் வாழ்ந்த தமிழ்ச் சமூகத்தில் எப்படி ஐந்து ஆண்களுக்கு மனைவியான துரோபதை என்பவள் தமிழர் வழிபாட்டுக் காவல் தெய்வமாக இருக்கமுடியும்? என்பதை ஆணித்தரமாக விளக்குகிறார். தமிழர்கலாச்சாரம் என்பது கிராமிய நடைமுறையிலான காவல் மற்றும் சிறு தெய்வங்கள் வழிபாட்டுமுறைகளைக் கொண்டது. ஆனால் ஆரிய படையேடுப்பின் பின்னர் கிராமத் தேவதை வழிபாட்டு முறைகள், ஆரிய வழிபாட்டு முறைகளினால் முற்றாக மறைக்கப்பட்டு அல்லது மாற்றி அமைக்கப்பட்டு தற்பொழுதுள்ள அபத்தமான வழிபாட்டு முறைக்கு நாம் தள்ளப்பட்டுள்ளது என்பது. வந்தாரை வரவேற்று வாழ , ஆள வழிவகை செய்துவிட்டு இருந்தாரை அழிந்துபோகவும் அடிமையாக வாழ்ந்துவருவது நம்தமிழினம். இனியாகிலும் நம் தமிழினம் திருந்தி, நமது கலாச்சாரத்தை காப்பாற்றாவிட்டால் நமது மண் விடுதலையும் இனவிடுதலையும் சாத்தியமில்லை.

இரா. பஞ்சவர்ணம் அவர்களின் அரசமரம் நூல்வெளியீட்டு விழா ஜூலை 5

பண்ணுருட்டித் தாவரத் தகவல் தொகுப்பு மைய நிறுவுநரும், பண்ணுருட்டி நகராட்சியின் முன்னாள் தலைவருமான திரு. இரா. பஞ்சவர்ணம் அவர்கள் எழுதிய தமிழ்நாட்டுத் தாவரக்களஞ்சியம் வரிசையில் அரச மரம் என்னும் நூல் வெளியீட்டு விழா நெய்வேலிப் புத்தகக் கண்காட்சியில் 05.07.2014 இல் நடைபெற உள்ளது.

 பழுப்பு நிலக்கரி நிறுவனத்தின் மின்துறை இயக்குநர் திரு. இராசகோபால் தலைமையில் விழுப்புரம் சரக டி.ஐ.ஜி டாக்டர் எஸ். முருகன் அவர்கள் சிறப்பு விருந்தினராகக் கலந்துகொண்டு நூலை வெளியிட உள்ளார். அனைவரும் கலந்துகொண்டு சிறப்பிக்கலாம்.



Jeeva Puthakalayam

Information/Help

Customer Care

Follow us

About Us

Contact Us

Terms and Conditions Tamil books blog

Link to Us

Frequently Asked Questions(FAQ)

How to buy tamil books online?

Tamil books online shopping - Top sellers

Free Tamil E-Books for download

Tamil books tags

Tamil book news

Tamil book Reviews

Tamil book Release

Help Desk: Customercare

email : Write to us ccare@noolulagam.com

Phone : Call us +91-7667-172-172

Mail or Dial/Call us to buy tamil books online and for Cash on Delivery (VPP) orders

Give Feedback



support