புத்தக வெளியீடு (Book Release)

தஞ்சாவூரில் இராசேசுவரி பதிப்பகம் சார்பில் நூல்கள் வெளியீட்டு விழா

தஞ்சாவூர்:  தஞ்சாவூரில் இராசேசுவரி பதிப்பகம் சார்பில், முனைவர் ந. சிவஞானஒளி எழுதிய இரு ஜோதிட நூல்கள் ஞாயிற்றுக்கிழமை வெளியிடப்பட்டன.   தஞ்சாவூர் தமிழ்ப் பல்கலைக்கழகப் பதிவாளர் (பொ) ச. பரிமளா "வாழ்வியல் சோதிடம்' என்ற நூலை வெளியிட, அதை திருவையாறு அரசர் கல்லூரி சம்ஸ்கிருத பேராசிரியர் எஸ். கோதண்டராமன் பெற்றுக் கொண்டார்.  தமிழ்ப் பல்கலைக்கழக தேர்வுக் கட்டுப்பாட்டு அலுவலர் (பொ) ம. ஜெகதீசன், "திருமணத்திற்குரிய பொருத்தம் பார்ப்பது எப்படி' என்ற நூலை வெளியிட, அப்பல்கலைக்கழக தத்துவத் துறை பேராசிரியர் ஜெ. அரங்கசாமி பெற்றுக் கொண்டார்.     இதில், தமிழ்ப் பல்கலைக்கழக ஆசிரியர் பேரவை செயலர் பெ. கோவிந்தசாமி, மாவட்ட ஓய்வு பெற்ற கல்வி அலுவலர் இரா.  பூமிநாதன் உள்ளிட்ட பலர் பேசினர்.


‘கலைஞர் 87′ புத்தகம்-செப்.1ம் தேதி வெளியீடு!

சென்னை: முதல்வர் கருணாநிதியின் 87வது பிறந்த நாளையொட்டி அவருடன் பழகிய பல்வேறு துறை சார்ந்தவர்களின் கருத்துக்கள் புத்தகமாக தொகுக்கப்பட்டுள்ளது. செப்டம்பர் 1ம் தேதி வெளியிடப்படும் இந்த விழாவில் நிதியமைச்சர் அன்பழகன் வெளியிடுகிறார்.

தி.மு.க. 'எம்.பி.' வசந்தி ஸ்டான்லி, தொகுத்துள்ள இந்தப் புத்தகத்தில் குடியரசுத் தலைவர் பிரதீபா பாட்டீல், பா.ஜ.க.தலைவர் எல்.கே.அத்வானி, பா.ம.க.நிறுவனர் டாக்டர் ராமதாஸ் உள்பட 29 அரசியல் கட்சித் தலைவர்களும், பா.சிவந்தி ஆதித்தன், சோ, நக்கீரன் கோபால் உள்ளிட்ட பத்திரிகைத் துறை சார்ந்தவர்கள் 8 பேரும், மதுரை ஆதீனம், குன்றக்குடி பொன்னம்பல அடிகளார், பேராயர் எஸ்றா சற்குணம், அருட்தந்தை வின்சென்ட் சின்னதுரை ஆகிய ஆன்மிகவாதிகளும், ரஜினிகாந்த், ஏவி.எம்.சரவணன், அமிதாபச்சன், கமல்ஹாசன், கவிஞர் வாலி உள்பட திரைத்துறையைச் சேர்ந்த 17 பேர்களும் கருத்து தெரிவித்துள்ளனர்.

மேலும் படிக்க...


பாரதிஜிப்ரான் கவிதை நூல் வெளியீட்டு நிகழ்வு!
தேவநேய பாவாணர் நூலக சிற்றரங்கம் ,டிவிஸ் பஸ் ஸ்டாப் அண்ணா சாலை Chennai, India வரவேற்பு : மு.முருகேஷ் "குழந்தைகள் சூழ்ந்த வானம்" கவிதை நூல் வெளியீட்டு நிகழ்வு!

மேலும் படிக்க...


துபாயில் அசோகமித்ரனின் சிறுகதை நூல் திறனாய்வு நிகழ்ச்சி
துபாயில் தமிழ் இலக்கிய மன்றத்தின் சார்பில் அசோகமித்ரனின் சிறுகதை நூல் திறனாய்வு நிகழ்ச்சி நடந்தது. துபாய் தமிழ் இலக்கிய மன்றத்தின் சார்பில் நூல் திறனாய்வு நிகழ்ச்சி நேற்று (25-ம் தேதி) மாலை அல் பரஹாவில் நடைபெற்றது. இந்த நிகழ்ச்சியில் துபாய் தமிழ் இலக்கிய மன்ற அமைப்பாளர் காயல் சுலைமான் கலந்து கொண்டு அசோகமித்ரனின் சிறுகதை நூலை திறனாய்வு செய்தார். இந்த நிகழ்ச்சியில் ஹசன், அபுபக்கர், ஹுசைன், ஹுசைன் மௌலானா, அபு முஹம்மது, ராஜா, முஹம்மது அபுபக்கர் சித்தீக் உள்ளிட்டடோர் கலந்து கொண்டனர்.

நீதி கோரும் பேரறிவாளன் கடிதங்கள், விளக்கங்கள்- இந்தியில் புத்தகமாக வெளியீடு
சென்னை: தனது தரப்பு வாதங்கள், நியாயங்களை விளக்கியும், ராஜீவ் காந்தி கொலை வழக்கில் மறைக்கப்பட்ட உண்மைகளையும் விளக்கி பேரறிவாளன் எழுதிய கடிதங்கள் உள்ளிட்டவற்றின் தொகுப்பு அடங்கிய நூலின் இந்தி மொழியாக்கம் சென்னையில் வெளியிடப்பட்டது.

மேலும் படிக்க...


ரியாத்தில் ஈழத்தமிழ் கவிஞரின் கவிதை நூல் வெளியீட்டு விழா!
ரியாத்: இலங்கையைச் சேர்ந்த தமிழ்க் கவிஞர் இனியவன் இசாருத்தீனின் 'மழை நதி கடல்' என்னும் கவிதை நூல் வெளியீட்டு விழா ரியாத்தில் நடந்தது. இலங்கையைச் சேர்ந்த தமிழ்க் கவிஞர் இனியவன் இசாருத்தீன் எழுதிய 'மழை நதி கடல்' என்னும் கவிதை நூலின் வெளியீட்டு விழா, மழையோ நதியோ கடலோ இல்லாத பாலைவன ரியாத் மாநகரில் உள்ள டுலிப் இன் (Tulip inn) என்னும் நட்சத்திர விடுதியில் எழுத்துக்கூடம் அமைப்பு சார்பில் நடைபெற்றது.

மேலும் படிக்க...


வாலி எழுதிய கந்தபுராணம்- வெளியிட்டார் இளையராஜா

கவிஞர் வாலி எழுதிய தமிழ்க் கடவுள் கந்தபுராணம் என்ற புத்தகத்தை இசைஞானி இளையராஜா சனிக்கிழமை வெளியிட்டார்.

ஒரு நூலாசிரியரின் கையெழுத்திலேயே வெளிவரும் முதல் முழு நூல் என்ற சிறப்புடன் அல்லயன்ஸ் பதிப்பகம் வெளியிட்டுள்ள நூல் இது.

மைலாப்பூர் பாரதிய வித்யா பவனில் நடந்த நிகழ்ச்சியில் இந்த நூல் வெளியிடப்பட்டது. புத்தகத்தை இசைஞானி இளையராஜா வெளியிட, முதல் பிரதியை தயாரிப்பாளர் ஏ வி எம் சரவணன் மற்றும் இயக்குநர் கே பாலசந்தர் பெற்றுக்கொண்டனர்.

மேலும் படிக்க...


மயிலாப்பூரில் தொட்டு விடாதீர்கள்… நூல் வெளியீட்டு விழா

சென்னை: மலேசியப் பத்திரிக்கையாளர் திருமதி. ஜெயகோகிலவாணியின் தொட்டு விடாதீர்கள்..! நூல் வெளியீட்டு விழா இன்று மாலை 5. 30 மணிக்கு சென்னை, மயிலாப்பூரில் உள்ள பாரதீய வித்யா பவன் சிற்றரங்கில் நடக்கிறது.

பாரதியார் சங்கத் துணை தலைவர் டி.கே.எஸ். கலைவாணன் தமிழ் வாழ்த்துடன் விழா துவங்குகிறது. சங்கத்தின் பொதுச் செயலாளர் இரா. மதிவாணன் வரவேற்புரை வழங்குகிறார்.

பாரதியார் சங்கத் தலைவர் இரா. காந்தி தலைமை தாங்குகிறார். இந்த விழாவிற்கு மக்கள் ஓசை நாளிதழின் தலைமையாசிரியர் எம். இராஜன் முன்னிலை வகிக்கிறார்.

மனோன்மணியம் சுந்தரனார் பல்கலைக்கழகத்தின் முன்னாள் துணை வேந்தர் முனைவர் க.ப. அறவாணன் அவர்கள் நூலை வெளியிட்டு சிறப்புரை ஆற்றுகின்றார்.

டாக்டர் எம்.ஜி.ஆர். மருத்துவப் பல்கலைக்கழகத்தின் முன்னாள் துணை வேந்தர் மருத்துவ மேஜர் டி. இராஜா நூலின் முதல் பிரதியை பெற்றுக் கொள்கிறார்.

மேலும் படிக்க...


கண்மதியன் கவிதை நூல் வெளியீட்டு விழா: க. அன்பழகன் வெளியீடு
சென்னை: கவிச்சிங்கம் கண்மதியனின் கவிதை நூல் வெளியீட்டு விழா இன்று(9-ம் தேதி) மாலை 6 மணிக்கு சென்னை தேவநேயப் பாவாணர் நூலக அரங்கில் நடக்கிறது. இந்த விழாவுக்கு கலைமாமணி மா. செங்குட்டுவன் தலைமை தாங்குகிறார், மேனாள் மாநகரத்தலைவர் சா.கணேசன், முனைவர் புரட்சிதாசன் ஆகியோர் முன்னிலை வகிக்கின்றனர். வா.மு.சே. திருவள்ளுவர் வரவேற்புரை ஆற்ற, நூலை இனமானப் பேராசிரியர் க. அன்பழகன் வெளியிட்டு சிறப்புரை ஆற்றுகிறார். முதல் பதிப்பை மாம்பலம் ஆ. சந்திரசேகர் பெற்றுக் கொள்கிறார்.

மேலும் படிக்க...


சமுதாயமே விழித்தெழு–நூல் வெளியீட்டு விழா
இஸ்லாமிய சமுதாய மக்களுக்காக எழுதப்பட்ட கட்டுரைகளை ‘ சமுதாயமே விழித்தெழு’ என்ற தலைப்பில் புத்தகமாக தொகுத்துள்ளார். எ.பி. முகம்மது அலி இந்த நூல் வெளியீட்டு விழா ஜூன் 24ம் தேதி சென்னை அண்ணாசாலையில் உள்ள தேவநேயப்பாவனார் அரங்கத்தில் நடைபெற உள்ளது.

மேலும் படிக்க...



Jeeva Puthakalayam

Information/Help

Customer Care

Follow us

About Us

Contact Us

Terms and Conditions Tamil books blog

Link to Us

Frequently Asked Questions(FAQ)

How to buy tamil books online?

Tamil books online shopping - Top sellers

Free Tamil E-Books for download

Tamil books tags

Tamil book news

Tamil book Reviews

Tamil book Release

Help Desk: Customercare

email : Write to us ccare@noolulagam.com

Phone : Call us +91-7667-172-172

Mail or Dial/Call us to buy tamil books online and for Cash on Delivery (VPP) orders

Give Feedback



support